![Election Preparation_GUJARAT_FIRST]()
સુરત- ઉધના ભાજપ કાર્યાલય ખાતે ત્રણ દિવસીય મથામણ
સુરત (Surat) શહેરમાં સ્થાનિક સ્વરાજની ચૂંટણીને લઈ ભાજપ દ્વારા સેન્સ પ્રક્રિયાનો ધમધમાટ શરૂ થયો છે. ઉધના સ્થિત ભાજપ કાર્યાલય ખાતે પ્રદેશ નિરીક્ષકોની ત્રણ અલગ-અલગ ટીમ દ્વારા ૩૦ વોર્ડના ટિકિટ વાંચ્છુકોને સાંભળવામાં આવી રહ્યા છે. દરેક ટીમમાં ત્રણ-ત્રણ નિરીક્ષકો (Observers) સામેલ છે, જેઓ સવારથી રાત સુધી સંગઠનના હોદ્દેદારો અને કાર્યકરો પાસેથી દાવેદારી ફોર્મ સ્વીકારી રહ્યા છે. આ વખતે સુરતમાં 'જુના જોગીઓ' ના પત્તા કપાય અને 'નવા મુરતિયાઓને' (New Candidates) પ્રાધાન્ય મળે તેવી ચર્ચાઓએ જોર પકડ્યું છે.
અમદાવાદ: 'મારા નહીં સારા' ને ટિકિટ આપવાની નેમ
અમદાવાદ (Ahmedabad) મહાનગરપાલિકા અને પંચાયતોની ચૂંટણી માટે ભાજપની નિરીક્ષક ટીમો ચાર દિવસ સુધી ઉમેદવારોની શોધ કરશે. પક્ષ હાઈકમાન્ડ તરફથી નિરીક્ષકોને સ્પષ્ટ સૂચના આપવામાં આવી છે કે 'મારા નહીં પણ સારા' ઉમેદવારને ટિકિટ મળે તેવી જ સેન્સ પ્રક્રિયા (Scrutiny) હાથ ધરવી. બીજી તરફ, અમદાવાદમાં કોંગ્રેસે (Congress) પણ પોતાની રણનીતિ તેજ કરી છે. શહેર પ્રમુખ સોનલબેન પટેલની અધ્યક્ષતામાં વોર્ડ ઓબ્ઝર્વરો સાથે બેઠક યોજીને ચૂંટણી લડવા ઉત્સુક ઉમેદવારો સાથે ચર્ચાનો દોર શરૂ કરવામાં આવ્યો છે.
રાજકોટ- વિધાનસભા વાઈઝ સેન્સ પ્રક્રિયાનો આરંભ
રાજકોટ (Rajkot) ભાજપ કાર્યાલય 'કમલમ' ખાતે બે દિવસીય સેન્સ પ્રક્રિયા હાથ ધરવામાં આવી છે. પક્ષ દ્વારા વિધાનસભા વાઈઝ દાવેદારોને સાંભળવાનું આયોજન કરાયું છે, જેમાં પ્રથમ દિવસે ૧૨ વોર્ડ અને બીજા દિવસે બાકીના 6 વોર્ડની પ્રક્રિયા ચાલશે. પૂર્વ, પશ્ચિમ અને દક્ષિણ વિધાનસભા હેઠળ આવતા વિવિધ વોર્ડના (Ward) કાર્યકરો મોટી સંખ્યામાં પોતાની દાવેદારી નોંધાવવા પહોંચ્યા છે. નિરીક્ષકો દરેક દાવેદારની ક્ષમતા અને સ્થાનિક સ્તરે તેમની પકડની વિગતો એકત્ર કરી રહ્યા છે.
આ પણ વાંચો------ Camp Hanuman Temple: અમદાવાદના કેમ્પ હનુમાન મંદિરથી નીકળી શોભાયાત્રા, મુખ્યમંત્રીએ કરાવ્યું પ્રસ્થાન
વડોદરા- છાણી ખાતે ઉત્તર ઝોનના વોર્ડ માટે બેઠકોનો દોર
વડોદરા (Vadodara) કોર્પોરેશનની ચૂંટણી માટે ભાજપે ચાર ઝોનમાં સેન્સ લેવાની કામગીરી શરૂ કરી છે. સુરતના ધારાસભ્ય પૂર્ણેશ મોદી સહિતના નિરીક્ષકો વડોદરા પહોંચ્યા છે, જ્યાં દાવેદારો માટે ટોકન અને રજિસ્ટ્રેશનની (Registration) વ્યવસ્થા કરવામાં આવી છે. નિરીક્ષકો પહોંચે તે પૂર્વે જ ભાજપની ટિકિટ મેળવવા ઈચ્છતા કાર્યકરોની લાંબી લાઈનો જોવા મળી હતી. દરેક ઝોનમાં શિસ્તબદ્ધ રીતે દાવેદારોને સાંભળ્યા બાદ ત્રણ ઉમેદવારોની પેનલ (Panel) તૈયાર કરવાની કવાયત હાથ ધરાઈ છે.
ભાવનગર- નગરપાલિકા અને પંચાયતો માટે નેતાઓનો જમાવડો
ભાવનગર (Bhavnagar) જિલ્લા ભાજપ કાર્યાલય ખાતે મહુવા, વલભીપુર અને પાલીતાણા નગરપાલિકાની ચૂંટણી માટે સેન્સ લેવાની પ્રક્રિયા બે દિવસ ચાલશે. તાલુકા અને જિલ્લા પંચાયતની બેઠકો માટે પણ નિરીક્ષકો અલગ-અલગ સ્લોટમાં (Slots) સાત ગ્રામ્ય વિસ્તારોના દાવેદારોને સાંભળી રહ્યા છે. ચૂંટણી જીતવા માટે પક્ષે અત્યારથી જ પાયાનું કામ શરૂ કરી દીધું છે, જેના કારણે જિલ્લા ભાજપ કાર્યાલય ખાતે નેતાઓ અને કાર્યકરોની ભારે ભીડ એકઠી થઈ છે.
ગીર સોમનાથ- વેરાવળ અને ઉના કેન્દ્રો પર ઉત્સાહપૂર્ણ માહોલ
ગીર સોમનાથ (Gir Somnath) જિલ્લામાં સંગઠનને મજબૂત કરવા માટે બે દિવસીય સેન્સ પ્રક્રિયા શરૂ કરવામાં આવી છે. વેરાવળ અને ઉના એમ બે ઝોનમાં વહેંચાયેલી આ પ્રક્રિયામાં તાલુકા પંચાયતની ૨૨ અને જિલ્લા પંચાયતની ૫ બેઠકો માટે મોટી સંખ્યામાં દાવેદારી નોંધાઈ છે. પ્રદેશના ૬ નિરીક્ષકોને આ જવાબદારી સોંપવામાં આવી છે. ઈચ્છુક ઉમેદવારો પોતાના બાયોડેટા (Bio-data) સાથે સવારથી જ કેન્દ્રો પર ઉમટી પડ્યા છે, જે પક્ષમાં ટિકિટ માટેની તીવ્ર સ્પર્ધા દર્શાવે છે.
![Election Preparation 01_GUJARAT_FIRST]()
જૂનાગઢ અને આણંદ: નવી મનપા અને તાલુકા પંચાયતો પર નજર
જૂનાગઢ (Junagadh) જિલ્લામાં નવ તાલુકા પંચાયત, જિલ્લા પંચાયત અને કેશોદ નગરપાલિકા માટે સેન્સ પ્રક્રિયા શરૂ થઈ છે. પૂર્વ સાંસદ જયસિંહ ચૌહાણ સહિતના નિરીક્ષકો દાવેદારોની રજૂઆત સાંભળી રહ્યા છે. બીજી તરફ, આણંદના (Anand) વિદ્યાનગર કાર્યાલય ખાતે કરમસદ મનપાની પ્રથમ ચૂંટણી માટે ગતિવિધિ તેજ થઈ છે. શબ્દશરણ તડવી સહિતના નિરીક્ષકો કાર્યકરોને સાંભળીને પોતાનો રિપોર્ટ (Report) તૈયાર કરશે. આ તમામ પ્રક્રિયાઓ પૂર્ણ થયા બાદ પાર્લામેન્ટ્રી બોર્ડ દ્વારા ઉમેદવારોની આખરી પસંદગી કરવામાં આવશે.
આ પણ વાંચો---- રાજ્યના શિક્ષણ વિભાગનો મોટો નિર્ણય: 11,000 Vidyasahayak Recruitment ની જાહેરાત
