Sabarkantha: અસલી પોલીસના સકંજામાં નકલી પોલીસ, મેળામાં સરાજાહેર ડંડાથી કરી યુવકની ધોલાઈ!

• અસલી પોલીસના સકંજામાં નકલી પોલીસ!
• નકલી સિંઘમ બની રોફ જમાવવો પડ્યો ભારે!
• મેળામાં સરાજાહેર ડંડાથી કરી યુવકની ધોલાઈ!

યુવક હાથમાં ડંડો લઈ સિંઘમ સ્ટાઈલમાં એક યુવકને માર મારવા લાગે છે. ખાખી પેન્ટ પહેરેલો એક શખ્સ હાથમાં ડંડો લઈ યુવકને માર મારતો હોય છે.એટલીવારમાં આ સાહેબ પોલીસ હોય એ રીતે આવે છે અને એ જ ડંડાથી યુવકને માર મારવા લાગે છે. અહીં ઉભા રહેલા લોકો તેનો વીડિયો બનાવે છે. આ નકલી પોલીસ અસલી પોલીસનાં હાથે ઝડપાઈ જતા જોવા જેવી થાય છે. જે બાદ આરોપીએ કેવી રીતે યુવકને ડંડાથી માર માર્યો હતો તેનું રીકન્સ્ટ્રક્શન પોલીસ કરાવી રહી છે. બે કાન પકડી માફી પણ મંગાવી રહી છે.

સાબરકાઠાના ખેડબ્રહ્મા પોશીના વિસ્તારમાં ચિત્ર વિચિત્રનો મેળો ભરાય છે. આ મેળામાં સગા સંબંધીઓની તર્પણ વિધિ કરવા આખો સમાજ ભેગો થાય છે. પરિજનોને યાદ કરી એક સાથે હજારો લોકો શોક વ્યક્ત કરતા હોય છે. આ સાથે યુવા વર્ગના લોકો તેમના જીવનસાથી શોધવા માટે આવતા હોય છે. આ મેળામાં પાર્થ પટેલ પોલીસનો મિત્ર હોવાનું કહી આવ્યો. પોલીસની જેમ વ્હાઈટ શર્ટ અને ખાખી જેવું પેન્ટ પહેર્યુ હતું. અહીં આવ્યા બાદ પોલીસ તરીકે રોફ જમાવી એક યુવકને લાકડીથી માર માર્યો હતો. પોલીસે આરોપી પાર્થને પકડી ઘટનાનું રિ-કન્સ્ટ્રક્શન કર્યુ હતું.

આ પણ વાંચોઃ Ahmedabad: ગુજરાત ફર્સ્ટ દ્વારા હાથ ધરાયું રિયાલીટી ચેક, વાંચ ગામે ફટાકડાની ફેક્ટરીમાં ગંભીર બેદરકારી સામે આવી

પોલીસે આરોપીનું સોશિયલ મીડિયા એકાઉન્ટ ચેક કરવામાં આવ્યું હતું. તેના પ્રોફાઈલમાં પાર્થનો હાથમાં લાકડી અને ખાખી પેન્ટ પહેરેલો પ્રોફાઈલ ફોટો જોવા મળે છે. તેના એકાઉન્ટના ડિસ્ક્રીપ્શનમાં સિંઘમ લખી ઈમોજી સાથે પોલીસની ગાડી જોવા મળે છે. આવી રીતે વીડિયો અને રીલ્સ બનાવતો હતો. પોલીસ ન હોવા છતાં ખાખીનો પાવર બતાવનાર પાર્થ પટેલની હેકડી અસલી પોલીસે ઉતારી દીધી છે.અને એ સમજાવી દીધું છે કે, અસલી ખાખીનો ખોફ શું હોય..

આ પણ વાંચોઃ Jamnagar : દેહવ્યાપારના વેપલા માટે આરોપીએ અપનાવ્યો એવો કીમિયો, જાણી ચોંકી જશો