Gandhidham: શીણાયમાં તંત્રનું બુલડોઝર ફર્યું, 72 લાખની સરકારી જમીન દબાણમુક્ત, 15 મકાનો તોડી પડાયા

Gandhidham: 6,500 ચોરસ મીટર જમીન કરાઈ મુક્ત

તંત્રની આ આક્રમક કામગીરીને પગલે આશરે 6,500 ચોરસ મીટર સરકારી જમીન ગેરકાયદેસર કબજામાંથી મુક્ત કરાવવામાં આવી છે. અધિકારીઓના જણાવ્યા અનુસાર, મુક્ત કરાવવામાં આવેલી આ જમીનની બજાર કિંમત અંદાજે રૂ. 72 લાખ જેટલી થાય છે. આ જમીન પર કેટલાક લોકો દ્વારા રહેણાંક અને વાણિજ્યિક હેતુથી બાંધકામ કરી લેવામાં આવ્યું હતું, જેના કારણે સરકારી યોજનાઓના અમલીકરણમાં અડચણ ઉભી થતી હતી.

ચુસ્ત પોલીસ બંદોબસ્ત વચ્ચે કાર્યવાહી

કોઈપણ અનિચ્છનીય બનાવ ન બને તે માટે તંત્ર દ્વારા સ્થળ પર પોલીસનો મોટો કાફલો તૈનાત કરવામાં આવ્યો હતો. ભારે વિરોધની શક્યતા વચ્ચે પણ વહીવટી તંત્રએ મક્કમતાપૂર્વક કામગીરી પૂર્ણ કરી હતી. હવે આ જમીન પર તંત્ર દ્વારા સરકારી કામગીરી અથવા વિકાસકાર્યો માટે કબજો મેળવી લેવામાં આવ્યો છે. આ કાર્યવાહીથી જમીન પચાવી પાડનારા તત્વોમાં ફફડાટ વ્યાપી ગયો છે.

આ પણ વાંચો: Amreli: બગસરામાં રખડતા શ્વાનનો આતંક, 10 લોકોને બચકા ભર્યા, બાળકોમાં ફફડાટ