Geniben Thakor એ ગજવ્યું દિયોદર, જનમેદની વચ્ચે કરી આ મોટી માંગ
- Geniben Thakor નો હુંકાર, 'ઓગડ જિલ્લો' આપો!
- સ્થાનિક ચૂંટણી ટાણે ગેનીબેન ઠાકોરે સરકાર સામે બાંયો ચઢાવી
- દિયોદરને વડુ મથક બનાવી નવો જિલ્લો જાહેર કરવાની જૂની માંગ દોહરાવી
- "સરકારમાં બેઠેલાઓએ આપણા વિસ્તાર સાથે ઘોર અન્યાય કર્યો" - ગેનીબેન
- દિયોદર જિલ્લો બનવા હકદાર હોવા છતાં અવગણનાનો લગાવ્યો આરોપ
- ચૂંટણીમાં કોંગ્રેસને મત આપી અન્યાયનો બદલો લેવા મતદારોને આહવાન
બનાસકાંઠાના (Banaskantha) રાજકારણના અગ્રણી નેતા અને લોકપ્રિય આગેવાન ગેનીબેન ઠાકોરનું (Geniben Thakor) દર્દ ફરી એકવાર જાહેરમાં છલકાયું છે. આગામી સ્થાનિક સ્વરાજ્યની ચૂંટણીઓ (Local Elections) પૂર્વે દિયોદર ખાતે એક સભાને સંબોધતા તેમણે ભાજપ સરકાર પર આકરા પ્રહાર કર્યા છે. ગેનીબેને દિયોદરને વડુ મથક બનાવીને 'ઓગડ જિલ્લા' (Ogad District) ની રચના કરવાની વર્ષો જૂની માંગને પુનઃ જીવંત કરી છે.
દિયોદર સાથે અન્યાયનો આક્ષેપ
ગેનીબેન ઠાકોરે સભામાં ભાવુક થઈને જણાવ્યું હતું કે, ભૌગોલિક અને વહીવટી દૃષ્ટિએ નવો જિલ્લો બનવા માટે દિયોદર (Diyodar) સંપૂર્ણપણે હકદાર હતું. તેમણે આરોપ લગાવ્યો કે, "ગાંધીનગરમાં સરકારમાં બેઠેલા શાસકોએ આપણા વિસ્તાર સાથે અન્યાય કર્યો છે. જે વિકાસ અને સત્તા આપણને મળવી જોઈએ તે છીનવી લેવામાં આવી છે." તેમણે ઉમેર્યું કે હવે સમય આવી ગયો છે કે જનતા આ અન્યાયનો જવાબ આપે.
સ્થાનિક ચૂંટણી સમયે ગેનીબેન ઠાકોરનું દર્દ છલકાયું
ઓગડ જિલ્લો બનાવી દિયોદરને વડુ બનાવવાની માગ
જિલ્લો બનવાનું હકદાર દિયોદર હતું: ગેનીબેન ઠાકોર
સરકારમાં બેઠેલાઓએ આપણ સાથે અન્યાય કર્યો: ગેનીબેન
કોગ્રેસ તરફ મતદાન કરી બદલો લેવાનો છે: ગેનીબેન ઠાકોર#Banaskantha #GenibenThakor #Deodar… pic.twitter.com/eCHgOs6wmx— Gujarat First (@GujaratFirst) April 24, 2026
ચૂંટણીમાં બદલો લેવાની Geniben Thakor ની અપીલ
સ્થાનિક ચૂંટણીના (Local Body Polls) માહોલમાં ગેનીબેને મતદારોને સીધી અપીલ કરી છે. તેમણે કહ્યું કે આ માત્ર ચૂંટણી નથી, પણ આપણી સાથે થયેલા અન્યાયનો બદલો લેવાની તક છે. કોંગ્રેસ (Congress) તરફી મતદાન કરીને સરકારને જડબાતોડ જવાબ આપવા તેમણે આહવાન કર્યું છે. બનાસકાંઠામાં ગેનીબેનની આ 'જિલ્લા કાર્ડ' ની રણનીતિ આગામી દિવસોમાં ભાજપ માટે મુશ્કેલીઓ સર્જી શકે છે તેમ રાજકીય વિશ્લેષકો માની રહ્યા છે.
આ પણ વાંચો: શું ખેડૂતોને ભ્રમિત કરે છે AAP? આગાહીકાર Paresh Goswami એ પાર્ટીના 'સ્ટંટ' ખુલ્લા પાડ્યા!