Gir Somnath: સૈયદ રાજપરા ગામમાં હાલાત ગંભીર, તંત્રની ગેરહાજરીથી લોકોમાં આક્રોશ
ગીર સોમનાથના સૈયદ રાજપરામાં મેઘરાજાના રૌદ્ર સ્વરૂપે ગામને બાનમાં લીધું છે. ખાણ વિસ્તારના મકાનોમાં કમર સુધી પાણી ભરાઈ જતા લોકોની જીવનભરની કમાણી અને ઘરવખરી નાશ પામી છે. અત્યંત કપરા સંજોગોમાં પણ વહીવટી તંત્ર કે સરપંચ કોઈ ફરક્યું નથી. લોકો જીવના જોખમે અત્યારે મદદની પ્રતીક્ષા કરી રહ્યા છે.
Advertisement
Sayed Rajpara Flood: ગીર સોમનાથ (Gir Somnath) જિલ્લાના ઉના (Una) તાલુકાના સૈયદ રાજપરા (Sayed Rajpara) ગામમાં સ્થિતિ અત્યંત ગંભીર બની છે. સતત વરસી રહેલા વરસાદને કારણે ગામનો ખાણ વિસ્તાર સંપૂર્ણપણે જળમગ્ન થઈ ગયો છે. 'ગુજરાત ફર્સ્ટ' (Gujarat First) ની ટીમ જ્યારે ઘટનાસ્થળે પહોંચી ત્યારે લોકોની દયનીય હાલત નજરે પડી હતી. ઘરોમાં કમર સુધી પાણી ભરાઈ જવાથી લોકોની ઘરવખરી અને જીવન જરૂરિયાતની વસ્તુઓ સંપૂર્ણપણે નાશ પામી છે.