GONDAL : ટાઉનહોલ ખાતે મહારાજા સર ભગવતસિંહજીના વિશાળ ચિત્રનુ અનાવરણ કરાયું

નગરપાલિકાના પુર્વ પ્રમુખ તથા નાગરીક બેંકના ચેરમેન અશોકભાઈ પીપળીયા એ કરેલા સુજાવ મુજબ પેન્ટર મુનીર બુખારીએ ચિત્ર દ્વારા મહારાજા ને જીવંત કર્યા છે. ઉલ્લેખનીય છે કે નગરપાલિકાના પ્રમુખપદના કાર્યકાળ દરમિયાન અશોકભાઈ પીપળીયાએ ભગવત ગાર્ડન અને આધુનિક ભગવતસિંહજી ટાઉનહોલની ગોંડલ ને ભેટ આપી હતી. ભગવતસિંહજીના વિરાટ ચિત્ર માટે પેન્ટર મુનીર બુખારીએ વિનામુલ્યે સેવા આપી હોવાથી રાજવી હિમાંશુસિંહજી દ્વારા તેમનુ સન્માન કરાયુ હતુ.

રાજવી હિમાંશુસિંહજી એ જણાવ્યુ કે સંસ્કૃતી સર્જક ભગવતસિંહજી આજે પણ ગોંડલની પ્રજામા ધબકી રહ્યા છે. પુર્વ નગરપતિ મનસુખભાઇ સખીયાએ સર ભગવતસિંહજીના સંભારણા રજુ કર્યા હતા. અશોકભાઈ પીપળીયાએ ભગવત ગાર્ડન અને ટાઉનહોલ અંદર આર્ટ ચિત્રોનું નિર્માણ થશે તેવુ કહી પ્રજા વત્સલ્ય રાજવી સર ભગવતસિંહજીનુ ઋણ આપણે ચુકવી રહ્યા છીએ એવું જણાવ્યુ હતુ.

ચિત્રકાર પેન્ટર મુનીર બુખારી દેશની ઉચી ઇમારતો પર બ્રશ તથા એરગનથી પેઇન્ટિંગ કરીને જાણીતા બનેલા ઇન્ટરનેશનલ કલાકાર છે. તેઓએ દિલ્હી, મુંબઈ, બેંગલોર, કોઇમ્બતુર સહિત વિરાટ પેઇન્ટિંગ બનાવી ગોંડલનુ નામ રોશન કર્યુ છે.

ગોંડલ મહારાજા સર ભગવતસિંહજીના ચિત્ર અનાવરણ નિમીતે નગર પાલીકા પ્રમુખ મનીષભાઈ ચનિયારા, ઉપપ્રમુખ કાન્તાબેન સાટોડીયા, કારોબારી અધ્યક્ષ રાજેન્દ્રસિંહ જાડેજા ઉપરાંત ચિફ ઓફિસર અશ્ર્વીનભાઇ વ્યાસ, નગરપાલિકા સદસ્યો ઓમદેવસિંહ જાડેજા, આશિફભાઇ ઝકરીયા, કૌશિકભાઈ પડારીયા, અનિલભાઈ માધડ, મનીષભાઈ રૈયાણી, ધીરુભાઇ સરધારા, રમેશભાઈ સોંદરવા, રફીકભાઈ કઇડા, શૈલેષભાઈ રોકડ, ગફારભાઇ ચૌહાણ, નિલેશભાઈ પરમાર સહિત સદસ્યો ઉપરાંત ક્ષત્રીય સમાજના દિગ્વિજયસિંહ જાડેજા શહેર ભાજપ પ્રમુખ પિન્ટુભાઈ ચુડાસમા, મહામંત્રી અશોકભાઈ પરવાડીયા સહિત નગરજનો ઉપસ્થિત રહ્યા હતા.

આ પણ વાંચો -- ગોંડલ માર્કેટિંગ યાર્ડમાં દિવાળીના તહેવારને લઈને તમામ જણસીની આવક રહેશે બંધ