Advertisement ![Navratri Banner]()
કયા પદો અને કેટલી જગ્યાઓ?
GPSCએ આ ભરતીને 67 જુદી જુદી જાહેરાતો દ્વારા વિભાજિત કરી છે, જે વિવિધ વિભાગોમાં કુલ 425થી વધુ જગ્યાઓને આવરી લે છે. આમાં મુખ્ય પદો નીચે પ્રમાણે શામેલ છે.
- એડમિનિસ્ટ્રેટિવ ઓફિસર (Administrative Officer): વહીવટી કાર્યો માટે
- વેટરનરી ઓફિસર (Veterinary Officer): પશુચિકિત્સા વિભાગમાં
- એસિસ્ટન્ટ એન્જિનિયર (Assistant Engineer): રોડ એન્ડ બિલ્ડિંગ, વીજળી વગેરે વિભાગોમાં
- સ્ટેટ ટેક્સ ઇન્સ્પેક્ટર (State Tax Inspector): કર વિભાગમાં
- પોલીસ ઇન્સ્પેક્ટર (Police Inspector) અને ડેપ્યુટી કલેક્ટર (DYSO) જેવા અન્ય પદો
આ ભરતીમાં ગુજરાત એડમિનિસ્ટ્રેટિવ સર્વિસ (GAS) ક્લાસ-1, ગુજરાત સિવિલ સર્વિસ ક્લાસ-1-2 અને મ્યુનિસિપલ ચીફ ઓફિસર સર્વિસ ક્લાસ-2 માટે 100 જગ્યાઓ પણ શામેલ છે, જેમાં મેડિકલ અને એન્જિનિયરિંગ સર્વિસીસ પણ આવરી લેવામાં આવી છે. GPSC કેલેન્ડર 2025 અનુસાર, આખા વર્ષમાં 1,751 જગ્યાઓ ભરવાનો લક્ષ્ય છે, જેમાં પ્રિલિમ્સ, મેન્સ અને ઇન્ટરવ્યુના આધારે પસંદગી થશે.
અરજી પ્રક્રિયા : કેવી રીતે અરજી કરવી?
ઉમેદવારો gpsc.gujarat.gov.in વેબસાઈટ પરથી ઓનલાઈન અરજી કરી શકશે. અરજીની મુદત 29 નવેમ્બરથી 13 ડિસેમ્બર, 2025 સુધી રહેશે. અરજી કરતા પહેલાં નીચેની વિગતો એક વખત ચકાસી લો..
યોગ્યતા : મોટાભાગના પદો માટે ગ્રેજ્યુએટ, B.Tech/B.E., BVSC, BDS, પોસ્ટ ગ્રેજ્યુએટ, M.Phil/Ph.D. જેવી ડિગ્રીઓ જરૂરી છે. ઉંમર મર્યાદા સામાન્ય રીતે 20-35 વર્ષ (શ્રેણી અનુસાર છૂટછાટ સાથે).
અરજી ફી : જનરલ કેટેગરી માટે ₹100, SC/ST/OBC/EWS માટે મુક્તિ.
સિલેક્શન પ્રોસેસ : પ્રિલિમ્નરી પરીક્ષા, મુખ્ય પરીક્ષા અને ઇન્ટરવ્યુ.
મહત્વની તારીખો : પરીક્ષા તારીખો GPSC કેલેન્ડરમાં જણાવાશે, જેમાં કોમન કેન્ડિડેટ્સ અને રુલ્સને ધ્યાનમાં રાખીને ફેરફાર થઈ શકે છે.
અરજી કરતા પહેલાં સત્તાવાર નોટિફિકેશન PDF ડાઉનલોડ કરો અને તમામ દસ્તાવેજો તૈયાર રાખો. જો કોઈ વિભાગમાંથી ડિમાન્ડ લેટર ન આવે તો ભરતી મર્યાદિત રહી શકે છે.
GPSC 2025 કેલેન્ડર : વધુ તકોની યોજના
GPSCએ 2025 માટે વ્યાપક કેલેન્ડર જાહેર કર્યો છે, જેમાં 1,751 જગ્યાઓની ભરતીની યોજના છે. આમાં GAS, GCS અને અન્ય ક્લાસ-1/2 સર્વિસીસ માટે 100 જગ્યાઓ, તેમજ મેડિકલ, એન્જિનિયરિંગ અને અન્ય વિભાગોનો સમાવેશ છે. તાજેતરમાં જ GPSCએ 422 વિવિધ પદો માટે ભરતી જાહેર કરી હતી (ફેબ્રુઆરી-માર્ચ 2025), અને AE (ઇલેક્ટ્રિકલ) માટે 139 જગ્યાઓની અલગ ભરતી પણ ચાલી છે. આ ભરતીઓથી ગુજરાતમાં સરકારી નોકરીઓ માટેની તૈયારી કરતા હજારો યુવાનોને ફાયદો થશે.
ઉમેદવારોને ટૂંકમાં ગુજરાત ફર્સ્ટની એક સલાહ : તૈયારી કેવી રીતે કરવી?
સિલેબસ અને પેપર પેટર્ન તપાસો : GPSCની વેબસાઈટ પરથી સત્તાવાર સિલેબસ ડાઉનલોડ કરો અને પાછલા વર્ષના પેપર્સ સોલ્યુશન કરો.
ઓનલાઈન અરજી : ટેકનિકલ સમસ્યા ન આવે તે માટે વહેલી તારીખે અરજી કરો અને ફોર્મની પ્રિન્ટઆઉટ કાઢીને પોતાની પાસે રાખી લો, બને તો ફોર્મની બે નકલો કાઢીને પોતાની પાસે રાખો.
જાગૃત રહો : GPSCની વેબસાઈટ અને નોટિફિકેશન પોર્ટલ પર નિયમિત તપાસ કરો, કારણ કે તારીખોમાં ફેરફાર થઈ શકે છે.
તૈયારીના સાધનો : Testbook, Adda247 જેવા પ્લેટફોર્મ્સ પર મોક ટેસ્ટ અને સ્ટડી મટિરિયલ વાપરો
આ પણ વાંચો- Mehsana : વધુ એક BLO-શિક્ષકનું SIRની કામગીરી દરમિયાન હાર્ટએટેકથી મોત
