Gram Panchayat Election : આવતીકાલે રાજ્યની 3541 ગ્રામ પંચાયતોની સામાન્ય ચૂંટણીઓ યોજાશે, કુલ 81 લાખ મતદારો આપશે મત
- આવતીકાલે 22મી જૂને ગુજરાતની 3541 ગ્રામ પંચાયતોમાં સામાન્ય ચૂંટણી યોજાશે
- આ ઉપરાંત 353 ગ્રામ પંચાયતોમાં પેટા ચૂંટણી યોજાશે
- આ ચૂંટણીમાં કુલ 81 લાખ મતદારો પોતાના મતાધિકારનો ઉપયોગ કરશે
- સમગ્ર રાજ્યમાં કુલ 10,479 મતદાન મથકોની વ્યવસ્થા કરવામાં આવી છે
Gram Panchayat Election : સમગ્ર ગુજરાતમાં આવતીકાલે ગ્રામ પંચાયતોની ચૂંટણી (Gujarat Gram Panchayat Election 2025) યોજાવાની છે. જેમાં 3541 ગ્રામ પંચાયતોની સામાન્ય ચૂંટણીઓ જ્યારે 353 ગ્રામ પંચાયતોની પેટા ચૂંટણીઓ માટે મતદાન થવાનું છે. આ સમગ્ર ચૂંટણીમાં કુલ 81 લાખ મતદાતાઓ પોતાના મતાધિકારનો ઉપયોગ કરીને પોતાના ગામ માટે યોગ્ય સરપંચ ચૂંટશે. ગુજરાતમાં કુલ 3656 સરપંચ પદો માટે સામાન્ય ચૂંટણી યોજાશે. મતદાન સવારે 7 કલાકથી સાંજે 6 કલાક સુધી યોજાવાનું છે.
81 લાખ મતદાતાઓ આપશે મત
આવતીકાલે 22મી જૂન, રવિવારે ગુજરાતમાં કુલ 3656 સરપંચ પદો માટે સામાન્ય ચૂંટણી યોજાશે. જેમાં રાજ્યની 3541 ગ્રામ પંચાયતોમાં સામાન્ય અને 353 ગ્રામ પંચાયતોમાં પેટા ચૂંટણી યોજાશે. આ ચૂંટણીમાં કુલ 81 લાખ મતદારો પોતાના મતાધિકારનો ઉપયોગ કરશે. ગુજરાતમાં ગ્રામ પંચાયતોની ચૂંટણી માટે ચૂંટણી પંચ દ્વારા સમગ્ર રાજ્યમાં કુલ 10,479 મતદાન મથકોની વ્યવસ્થા કરવામાં આવી છે. મતદાન સવારે 7 કલાકથી સાંજે 6 કલાક સુધી યોજાવાનું છે. અત્યાર સુધી ગુજરાતમાં કુલ 751 ગ્રામ પંચાયતો થઈ છે સંપૂર્ણ બિનહરીફ થઈ ચૂકી છે. હવે આવતીકાલે કુલ 16,224 સભ્યોની બેઠક માટે સામાન્ય ચૂંટણીઓ યોજાવા જઈ રહી છે.
આ પણ વાંચોઃ Visavadar Bypoll Election : માલીડા અને નવા વાઘણીયમાં આજે ફેર મતદાન યોજાયું, મતદારો વહેલી સવારથી ઉમટ્યાં
અંદાજિત 4000 જેટલા સંવેદનશીલ મતદાન મથકો
ગુજરાતમાં ગ્રામ પંચાયતોની ચૂંટણીઓ લાંબા સમયથી અટવાતી હતી. હવે આવતીકાલે ગુજરાતની કુલ 3541 ગ્રામ પંચાયતોની સામાન્ય ચૂંટણીઓ જ્યારે 353 ગ્રામ પંચાયતોની પેટા ચૂંટણીઓ માટે મતદાન થવાનું છે. ગુજરાતમાં કુલ 3656 સરપંચ પદો માટે સામાન્ય ચૂંટણી યોજાશે. આ સમગ્ર ચૂંટણીમાં કુલ 81 લાખ મતદાતાઓ પોતાના મતાધિકારનો ઉપયોગ કરીને પોતાના ગામ માટે યોગ્ય સરપંચ ચૂંટશે. ચૂંટણી પંચ દ્વારા રાજ્યભરમાં 3,939 મતદાન મથકોને સંવેદનશીલ જાહેર કરાયા છે. જ્યારે 36 મતદાન મથકોને અતિ સંવેદનશીલ જાહેર કરાયા છે. સંવેદનશીલ અને અતિ સંવેદનશીલ મતદાન મથકો પર પૂરતો પોલીસ બંદોબસ્ત કરી દેવામાં આવ્યો છે.