Bhavnagar: મહુવામાં કોળી સેના પ્રમુખ પર જીવલેણ હુમલો, સમગ્ર ઘટના CCTV માં કેદ
- Bhavnagar: મહુવામાં કોળી સેના પ્રમુખ પર જીવલેણ હુમલો!
- ક્રિકેટ મેચની જૂની અદાવતમાં કોળી સેના પ્રમુખ મુકેશભાઈ ઢાપા પર હુમલો
- સાથળના ભાગે છરીના ઘા મારતા CCTV માં દ્રશ્યો થયા કેદ
- બચાવવા આવેલી પત્ની અને માતા સાથે પણ આરોપીઓની મારામારી
- અલ્પેશ મકવાણા અને સંજય મકવાણા સહિત 5 સામે મહુવા ટાઉન પોલીસમાં ફરિયાદ
- ઇજાગ્રસ્તોને સારવાર અર્થે મહુવા હોસ્પિટલમાં ખસેડાયા, વધુ તપાસ ચાલુ
ભાવનગર (Bhavnagar) જિલ્લાના મહુવા શહેરમાં ગઈકાલે એક એવી ઘટના બની કે જેણે સમગ્ર પંથકમાં ચકચાર મચાવી દીધી છે. કોળી સેનાના પ્રમુખ મુકેશભાઈ મનુભાઈ ઢાપા પર થયેલા જીવલેણ હુમલાને પગલે સુરક્ષા અને કાયદો-વ્યવસ્થા સામે અનેક સવાલો ઉભા થયા છે. આ હિંસક ઘટના પાછળનું મૂળ કારણ થોડા દિવસો પહેલા ક્રિકેટ મેચ દરમિયાન થયેલો એક સામાન્ય વિવાદ હતો, જેની જૂની અદાવત આરોપીઓના મનમાં ઘર કરી ગઈ હતી.
Bhavnagar: ક્રિકેટમાં કકળાટ બની જીવલેણ
મળતી માહિતી મુજબ, ક્રિકેટ મેચના સમયે મુકેશભાઈના દીકરા સાથે આરોપીઓનો ઝઘડો થયો હતો. આ બાબતનો બદલો લેવા માટે આરોપીઓએ મુકેશભાઈને ટાર્ગેટ કર્યા હતા. સીસીટીવી ફૂટેજમાં દેખાતા દ્રશ્યો અત્યંત ભયાનક છે, જેમાં સ્પષ્ટ જોઈ શકાય છે કે હુમલાખોરો કોઈ પણ પ્રકારના ડર વગર મુકેશભાઈ પર તૂટી પડ્યા હતા અને તેમના સાથળના ભાગે છરીના ઘા ઝીંકી દીધા હતા. આ હુમલામાં મુકેશભાઈ ગંભીર રીતે ઈજાગ્રસ્ત થયા છે.
ભાવનગરના મહુવામાં કોળી સેનાના પ્રમુખ પર હુમલો
મુકેશભાઈ મનુભાઈ ઢાપા પર કરાયો જીવલેણ હુમલો
સાથળના ભાગે છરી મારતાના CCTV સામે આવ્યા
બનાવમાં વચ્ચે પડતા માતા અને પત્ની ને પણ માર મારવામાં આવ્યો
મહિલાઓ વચ્ચેની છૂટા હાથ ની મારામારી કેમેરામાં કેદ થઈ
ક્રિકેટ મેચ દરમિયાન થયેલા ઝઘડામાં… pic.twitter.com/yrW5qajDmc— Gujarat First (@GujaratFirst) May 20, 2026
મહિલાઓ સાથે પણ કરી મારામારી
ઘટનાની ગંભીરતા ત્યારે વધી ગઈ જ્યારે મુકેશભાઈને બચાવવા માટે તેમની પત્ની અને માતા દોડી આવ્યા હતા. આરોપીઓએ આ મહિલાઓને પણ છોડી ન હતી અને તેમની સાથે પણ છૂટા હાથે મારામારી કરી હતી. હિંસક ટોળા દ્વારા મહિલાઓ સાથેની આ ગેરવર્તણૂક અને મારપીટના દ્રશ્યો કેમેરામાં કેદ થતાં ભારે રોષ જોવા મળી રહ્યો છે.
ઈજાગ્રસ્તોને સારવાર અર્થે મોકલ્યા
આ મામલે મહુવા ટાઉન પોલીસ મથકમાં અલ્પેશ મકવાણા, સંજય મકવાણા તેમજ અન્ય ત્રણ મહિલાઓ સહિત કુલ પાંચ વ્યક્તિઓ સામે હત્યાના પ્રયાસ અને મારામારીની કલમો હેઠળ ગુનો દાખલ કરવામાં આવ્યો છે. હાલમાં ઈજાગ્રસ્ત મુકેશભાઈ ઢાપા અને તેમના પરિવારની મહિલાઓને મહુવાની સરકારી હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. પોલીસે સમગ્ર મામલે તપાસ તેજ કરી છે અને ફરાર આરોપીઓને પકડવા માટે ચક્રો ગતિમાન કર્યા છે.
આ પણ વાંચો: પાકિસ્તાનમાં Fighter Jet Crash : મિયાનવાલી નજીક મોટી દુર્ઘટના, પાઇલટ્સ સુરક્ષિત