ચેન્નાઈથી બે આરોપીની ધરપકડ
મળતી માહિતી મુજબ, અમદાવાદ સાયબર ક્રાઇમે સમગ્ર મામલે ગુનાહિત ધમકીનો કેસ નોંધ્યો હતો. તપાસ દરમિયાન ઈ-મેઇલ મોકલવા પાછળ સંડોવાયેલા શખ્સો અંગે પોલીસને મહત્વની કડી મળી હતી. ત્યારબાદ ટીમે ચેન્નાઈમાં કાર્યવાહી કરીને બંને આરોપીઓને ઝડપી લીધા હતા.
Advertisement ![Navratri Banner]()
આ કાર્યવાહીમાં ચેન્નાઈ ATSનો પણ સહયોગ લેવામાં આવ્યો હતો. પોલીસે આરોપીઓ પાસેથી ધમકીભર્યો ઈ-મેઇલ મોકલવા માટે ઉપયોગમાં લેવાયેલી રીત અંગે પણ તપાસ શરૂ કરી છે.
એક આરોપી સુરતનો, બીજો મધ્યપ્રદેશનો
પોલીસ મુજબ, ઝડપાયેલા આરોપીઓમાં મુખ્ય આરોપી મોહમ્મદ અશફાકનો સુરતના લાલગેટ વિસ્તાર સાથે સંબંધ છે. જ્યારે બીજો આરોપી રાજેશ મૂળ મધ્યપ્રદેશનો રહેવાસી હોવાનું સામે આવ્યું છે.
તપાસમાં બંને આરોપીઓ અગાઉ નાર્કોટિક્સ સંબંધિત ગુનામાં સંડોવાયેલા હોવાની માહિતી પણ સામે આવી છે. જોકે, હાલ પોલીસ સમગ્ર મામલે તેમની ભૂમિકા અને અગાઉના ગુનાહિત રેકોર્ડ અંગે વધુ તપાસ કરી રહી છે.
કોર્ટની મુદત ટાળવા રચ્યું ષડયંત્ર?
પ્રાથમિક તપાસમાં પોલીસને એવી માહિતી મળી છે કે કોર્ટની મુદત ટાળવાના હેતુથી ધમકીનું ષડયંત્ર રચવામાં આવ્યું હતું. આરોપીએ ટ્રેનમાં બનાવટી IDનો ઉપયોગ કરીને ચેન્નાઈથી ઈ-મેઇલ મોકલ્યો હોવાનો પોલીસનો દાવો છે.
હવે સાયબર ક્રાઇમ દ્વારા ઈ-મેઇલ મોકલવાની સમગ્ર પ્રક્રિયા, બનાવટી ઓળખનો ઉપયોગ, બંને આરોપીઓ વચ્ચેનું કનેક્શન અને આ ષડયંત્ર પાછળના અન્ય કોઈ વ્યક્તિની સંડોવણી છે કે નહીં તે અંગે તપાસ કરવામાં આવી રહી છે. આ મામલે વધુ વિગતો તપાસ આગળ વધ્યા બાદ સામે આવી શકે છે.
આ પણ વાંચો: Gujarat Rain Deficiency: વરસાદની અછતની સ્થિતિને અંગે સરકારની સમીક્ષા, રાજ્ય કૃષિ વિભાગે બોલાવી મહત્વની બેઠક
