Banaskantha: પોલીસની મોટી સફળતા, '007 ગેંગ' ના 3 તસ્કરો 19 ચોરાયેલા બાઈક સાથે ઝડપાયા

માસ્ટર કીનો ઉપયોગ કરી ચોરી

પાલનપુર તાલુકા પોલીસે આપેલી માહિતી મુજબ, આ '007 ગેંગ' ના સભ્યો પાર્કિંગમાં ઉભેલા બાઈકોને ખૂબ જ આસાનીથી 'માસ્ટર કી' (Master Key) નો ઉપયોગ કરીને ચોરી લેતા હતા. ચોરી કર્યા બાદ તેઓ આ વાહનોને સીધા વેચવાને બદલે ખેતરો (Farms) અને છૂપા ગેરેજ (Garages) માં સંતાડી રાખતા હતા, જેથી પોલીસની નજરથી બચી શકાય.

Banaskantha: મુખ્ય સૂત્રધાર સહિત 3 ની ધરપકડ

પોલીસે બાતમીના આધારે આ ગેંગના મુખ્ય સૂત્રધાર સહિત ૩ જેટલા તસ્કરોને દબોચી લીધા છે. પોલીસની તપાસમાં ઘટસ્પોટ થયો છે કે આ ગેંગ માત્ર બનાસકાંઠામાં જ નહીં, પરંતુ આંતરરાજ્ય સ્તરે પણ સક્રિય હતી અને પાડોશી રાજ્યોમાંથી પણ બાઈકોની ચોરી કરતી હતી. હાલમાં પોલીસે ૧૯ બાઈક કબ્જે કરીને આ ગેંગના અન્ય કયા કયા લોકો સાથે સંપર્ક હતા અને આ નેટવર્ક કેટલું મોટું છે, તે દિશામાં વધુ સઘન તપાસ હાથ ધરી છે. પાલનપુર પોલીસની આ કામગીરીને પગલે સ્થાનિક લોકોએ રાહતનો શ્વાસ લીધો છે.

આ પણ વાંચો: Amreli Khambha Rain: ખાંભા પંથકમાં મેઘમહેર, ધોધમાર વરસાદથી નદી-નાળા છલકાયા, ખેડૂતોમાં ઉત્સવનો માહોલ