Bhavnagar: વરસાદી સંકટ સામે તંત્રની આ તૈયારીઓ તેજ, 30 જવાનો સાથે NDRF ની ટીમ તૈનાત

તંત્ર દ્વારા નંબર જાહેર કરાયા

સંભવિત વરસાદી સ્થિતિને ધ્યાનમાં રાખીને તંત્ર દ્વારા જિલ્લા ડિઝાસ્ટર મેનેજમેન્ટ પ્લાન (DDMP), તાલુકા કક્ષાના (TDMP) અને વિલેજ કક્ષાના (VDMP) પ્લાન તૈયાર કરી દેવામાં આવ્યા છે. કોઈ પણ પ્રકારની કટોકટીમાં નાગરિકો ત્વરિત સંપર્ક કરી શકે તે માટે હેલ્પલાઇન નંબરો જાહેર કરવામાં આવ્યા છે. જેમાં મુખ્ય કન્ટ્રોલ રૂમના નંબર 0278-2521554 અને 0278-2521555 કાર્યરત કરાયા છે. આ ઉપરાંત, જરૂર પડ્યે 1077 ટોલ ફ્રી નંબર પર પણ સંપર્ક કરી શકાશે.

Bhavnagar:1 જૂનથી જ કન્ટ્રોલ રૂમ 24 કલાક કાર્યરત

માહિતી અનુસાર, 1 જૂનથી જ કન્ટ્રોલ રૂમ 24 કલાક કાર્યરત કરી દેવામાં આવ્યા છે, જેથી કોઈપણ ઘટનાની જાણકારી તુરંત મળી રહે. નીચાણવાળા વિસ્તારો અને સંવેદનશીલ સ્થળો પર વિશેષ ધ્યાન કેન્દ્રિત કરવામાં આવ્યું છે. સલામતીના ભાગરૂપે NDRF (National Disaster Response Force) ની એક ટુકડીને ભાવનગરમાં તૈનાત કરવામાં આવી છે. ૩૦ જવાનોની આ ટીમ અત્યાધુનિક સાધનો સાથે લેસ છે, જે કોઈપણ પ્રકારની ઈમરજન્સીમાં રાહત અને બચાવ કામગીરી કરવા માટે સજ્જ છે. તંત્ર દ્વારા નાગરિકોને પણ અફવાઓથી દૂર રહેવા અને સ્થાનિક વહીવટીતંત્રની સૂચનાઓનું પાલન કરવા અનુરોધ કરવામાં આવ્યો છે.

આ પણ વાંચો: Amreli: શેડુભારમાં રેલવે કામગીરી બાદ ખેડૂતો પરેશાન, તંત્ર સામે ભારે રોષ, જાણો શું કરી રહ્યા છે માગ?