Dahod: સગીરા સાથે દુષ્કર્મ આચરનાર કૌટુંબિક ભાઈને 20 વર્ષની સજા

શું હતો સમગ્ર મામલો?

આરોપીએ પોતાની જ કૌટુંબિક સગીરાને લગ્નની લાલચ (False Promise of Marriage) આપીને ભગાડી ગયો હતો અને બાદમાં તેની સાથે વારંવાર દુષ્કર્મ આચર્યું હતું. આ ઘટના અંગેની ફરિયાદ નોંધાયા બાદ પોલીસ દ્વારા સઘન તપાસ કરી ચાર્જશીટ કોર્ટમાં રજૂ કરવામાં આવી હતી. કેસની ગંભીરતાને ધ્યાનમાં રાખીને સરકારી વકીલ દ્વારા ધારદાર દલીલો કરવામાં આવી હતી.

Dahod: કોર્ટનો માનવીય અભિગમ

લીમખેડા સ્પેશિયલ પોક્સો કોર્ટના ન્યાયાધીશ દ્વારા આરોપીને 20 વર્ષની સજા ફટકારવાની સાથે ભોગ બનનાર પીડિતાના ન્યાય માટે મહત્વના આદેશો કર્યા છે. કોર્ટે આરોપીને પીડિતાને વળતર પેટે 6 લાખ રૂપિયા ચૂકવવાનો આદેશ આપ્યો છે. આ સાથે જ કોર્ટે એવો પણ નિર્દેશ આપ્યો છે કે આરોપીએ ભરવાનો થતો દંડ પણ પીડિતાને જ આપવામાં આવે. પીડિતાની સુરક્ષા અને ગરિમા જળવાઈ રહે તે માટે કોર્ટે તેની ઓળખ ગુપ્ત રાખવા (Victim Privacy) માટે કાયદાકીય આદેશ પણ આપ્યો છે. આ ચુકાદાથી પીડિત પરિવારને ન્યાય મળ્યો હોવાની લાગણી પ્રસરી છે.

આ પણ વાંચો: Gujarat Rain Update: ડાંગ અને ગીરમાં ધોધમાર વરસાદ, સૌરાષ્ટ્રના અનેક જિલ્લાઓમાં વાતાવરણમાં પ્રસરી ઠંડક