સારવાર મળે તે પહેલા જ બંને યુવકોના મોત
પ્રાપ્ત વિગતો અનુસાર, આ દુર્ઘટનાની જાણ થતા જ આસપાસના લોકો દ્વારા તાત્કાલિક 108 ઈમરજન્સી સેવાને જાણ કરવામાં આવી હતી. 108 ની બે ગાડીઓ ત્વરિત ઘટનાસ્થળે પહોંચી ગઈ હતી, પરંતુ અકસ્માતની ગંભીરતા એટલી વધારે હતી કે સારવાર મળે તે પહેલા જ બંને યુવકોએ દમ તોડી દીધો હતો. મૃતકોની ઓળખ માનવ હિતેશભાઈ મકવાણા (રહે. નભોઈ ગામ, તા. તારાપુર) અને ખેંગારભાઈ પશાભાઈ મકવાણા (રહે. કાવીઠા ગામ, તા. બાવળા) તરીકે કરવામાં આવી છે.
મૃતકોનો મૃતદેહ બસના ટાયરમાં ફસાયેલો
ઘટનાસ્થળે એસ.ટી. બસ અને બાઈક ક્ષતિગ્રસ્ત હાલતમાં જોવા મળ્યા હતા. મૃતકોના મૃતદેહ બસના ટાયર પાસે હોવાની દ્રશ્યો અત્યંત હૃદયદ્રાવક હતા. અકસ્માત કેવી રીતે સર્જાયો અને તેમાં કોની ભૂલ હતી, તે અંગે હાલમાં પોલીસ અજાણ છે. ધોળકા ટાઉન પોલીસનો કાફલો તાત્કાલિક સ્થળ પર પહોંચી ગયો હતો અને મૃતદેહોને પોસ્ટમોર્ટમ માટે ખસેડીને વધુ તપાસ શરૂ કરી છે.
Dholka Road Accident: આસપાસના વિસ્તારમાં ભારે શોક
આ ઘટનાને પગલે આસપાસના વિસ્તારમાં ભારે શોકનું મોજું ફરી વળ્યું છે. આ હાઈવે પર અવારનવાર અકસ્માતો બનતા હોય છે, ત્યારે આ ઘટનાએ ફરી એકવાર વાહનચાલકોની સુરક્ષા અંગે સવાલો ઉભા કર્યા છે. પોલીસે બસ ચાલકની પૂછપરછ અને અન્ય પુરાવાઓના આધારે અકસ્માતનું સાચું કારણ જાણવાની તજવીજ હાથ ધરી છે. આ માર્ગ પરથી પસાર થતા અન્ય વાહનચાલકોમાં પણ આ દ્રશ્યો જોઈને ભય અને દુઃખની લાગણી જોવા મળી હતી.
આ પણ વાંચો: Basketball World Cup Qualifiers: અમદાવાદમાં 'FIBA બાસ્કેટબોલ વર્લ્ડ કપ ક્વોલિફાયર્સ'નો શાનદાર પ્રારંભ
