Rajkot: લિસ્ટેડ બુટલેગર ફિરોઝ સંધી ઝડપાયો, 35થી વધુ ગુનાનો છે આરોપી
રાજકોટ પોલીસની મોટી સફળતામાં જંગલેશ્વરનો લિસ્ટેડ બુટલેગર ફિરોઝ સંધી આખરે પકડાઈ ગયો છે. 70 લાખના દારૂના જથ્થા સાથે સંકળાયેલા આ આરોપીને PCBની ટીમે અમીરગઢ પાસેથી પકડી પાડ્યો હતો. આ કેસમાં પોલીસની કામગીરી સામે પણ સવાલો ઉઠતા PIને સસ્પેન્ડ કરાયા હતા. 35થી વધુ ગુનાઓ ધરાવતો અને અગાઉ અનેકવાર પાસા હેઠળ જેલ જઈ ચૂકેલો આ બુટલેગર રાજકોટના દારૂના કાળા કારોબારનો મુખ્ય ખેલાડી માનવામાં આવે છે.
Advertisement
Firoz Sandhi Arrest: રાજકોટ શહેરના જંગલેશ્વર (Jangleshwar) વિસ્તારમાં આતંક મચાવનાર અને લાંબા સમયથી પોલીસને થાપ આપી રહેલો લિસ્ટેડ બુટલેગર ફિરોઝ સંધી (Firoz Sandhi) આખરે પોલીસના સકંજામાં આવ્યો છે. PCB (Prevention of Crime Branch) ની ટીમે અમીરગઢ ચેકપોસ્ટ (Amirgadh Checkpost) પાસેથી ફિલ્મી ઢબે પીછો કરીને આ કુખ્યાત બુટલેગરને દબોચી લીધો હતો.