રાજ્યમાં 185 તાલુકાઓમાં વરસાદ ખાબક્યો, અંબિકામાં 12 ઈંચ, નેત્રંગમાં 11 ઈંચ વરસાદથી જળબંબાકાર
ચોમાસાની સિઝનમાં કુદરતે સમગ્ર રાજ્યમાં પોતાનો અસલી મિજાજ બતાવવાનું શરૂ કરી દીધું છે. સેંકડો વિસ્તારોમાં એકસાથે અનરાધાર પાણી વરસી રહ્યા છે, જેના કારણે મોટાભાગની નદીઓ અને જળાશયો ભયજનક સપાટીની નજીક પહોંચી ગયા છે. કેટલાક ખાસ પર્વતીય અને ગ્રામ્ય વિસ્તારોમાં તો માત્ર થોડા જ કલાકોમાં આકાશી આફત ત્રાટકતા સ્થાનિક વહીવટી તંત્રની ઊંઘ ઉડી ગઈ છે અને નાગરિકોમાં ભારે ચિંતા પ્રસરી છે.
Advertisement
Gujarat Heavy Rain 185 Talukas: ગુજરાતમાં ચોમાસા (Monsoon) ની સિઝન પોતાના ચરમસીમા પર પહોંચી છે અને મેઘરાજાએ સમગ્ર રાજ્યમાં ધમાકેદાર બેટિંગ શરૂ કરી છે. હવામાન વિભાગ (Meteorological Department) ની આગાહી સાચી સાબિત થતી હોય તેમ રાજ્યના એકસાથે 185 તાલુકાઓમાં (Talukas) કાળઝાળ વરસાદ ખાબક્યો છે. ખાસ કરીને દક્ષિણ ગુજરાત અને મધ્ય ગુજરાતમાં મેઘરાજાએ અતિભારે વરસાદ (Heavy to Very Heavy Rain) વરસાવીને જળબંબાકાર જેવી સ્થિતિ સર્જી દીધી છે, જેનાથી અનેક વિસ્તારોમાં જનજીવન અસ્તવ્યસ્ત થઈ ગયું છે.