Gujarat Heavy rainfall: રાજ્યના 140 તાલુકાઓમાં વરસાદ, સૌથી વધુ માંગરોળમાં 10 ઈંચ વરસાદ

રાજ્યના 140 તાલુકામાં વરસાદ

વરસાદના આંકડા પર નજર કરીએ તો, માંગરોળ બાદ કેશોદમાં 9.53  ઈંચ અને માણાવદરમાં 8.39 ઈંચ વરસાદ વરસ્યો છે. સુત્રાપાડામાં 7.2 ઈંચ, માળીયાહાટીનામાં 7.05 ઈંચ અને જામજોધપુરમાં 6.22 ઈંચ વરસાદ નોંધાયો છે. પાટણ વેરાવળમાં 5.71 ઈંચ અને કુતિયાણામાં 5.16 ઈંચ વરસાદ પડતા ખેતરોમાં પાણી ભરાયા છે. આ સિવાય વંથલીમાં 3.74 ઈંચ, ઓલપાડમાં 3.7 ઈંચ, ઉપલેટામાં 3.46 ઈંચ, કોડિનારમાં 3.27 ઈંચ અને સિનોરમાં 3 ઈંચ જેટલો વરસાદ વરસ્યો છે.

નદી-નાળાઓમાં નવા નીર આવ્યા

આ ભારે વરસાદને કારણે અનેક નદી-નાળાઓમાં નવા નીર આવ્યા છે, જે ખેડૂતો માટે આશીર્વાદરૂપ સાબિત થઈ રહ્યા છે. ખાસ કરીને વાવણીલાયક વરસાદ મળતા ખેડૂતોમાં ખુશીનો માહોલ છે. જોકે, ઘણી જગ્યાએ ભારે વરસાદના કારણે રસ્તાઓ પર પાણી ભરાવાને લીધે વાહનવ્યવહારમાં પણ અડચણો સર્જાઈ છે. તંત્ર દ્વારા નીચાણવાળા વિસ્તારોમાં સાવચેતી રાખવા માટે સૂચના આપવામાં આવી છે.

Gujarat Heavy rainfall: રાજ્યના વિવિધ વિસ્તારોમાં વરસાદી માહોલ

હવામાન વિભાગના જણાવ્યા અનુસાર, આગામી દિવસોમાં પણ રાજ્યના વિવિધ વિસ્તારોમાં વરસાદી માહોલ યથાવત રહેવાની શક્યતા છે. ખાસ કરીને દરિયાકાંઠાના વિસ્તારોમાં વરસાદનું જોર વધુ રહી શકે છે. વહીવટીતંત્ર દ્વારા નદી કિનારાના ગામડાઓને એલર્ટ રહેવા સૂચના આપવામાં આવી છે. રાજ્યના મોટાભાગના ડેમોમાં પણ પાણીની આવક શરૂ થઈ ગઈ છે, જે આગામી સમય માટે સારા સંકેતો આપી રહ્યા છે.

આ પણ વાંચો: Ahmedabad: JCP શરદ સિંઘલ પર હુમલો, 25 ગુનાના આરોપી કલીમને પકડવા જતા છરી મારી