Junagadh: સગીરા પર દુષ્કર્મ આચરનાર GRD જવાન ઝડપાયો, ઇન્સ્ટાગ્રામથી મિત્રતા કેળવી કર્યું કુકર્મ

શું હતી સમગ્ર ઘટના?

મળતી માહિતી મુજબ, આરોપી અરમાન મકવાણા અને ભોગ બનનાર સગીરા એક લગ્ન પ્રસંગમાં સંપર્કમાં આવ્યા હતા. ત્યારબાદ આરોપીએ ઇન્સ્ટાગ્રામ (Instagram) ના માધ્યમથી મિત્રતા કેળવી હતી અને સગીરાને લાલચ આપી હતી. આરોપીએ સગીરાના ન્યૂડ ફોટા (Nude Photos) મેળવી તેને વાયરલ કરવાની ધમકી આપી લાંબા સમય સુધી દુષ્કર્મ આચર્યું હતું. જ્યારે સગીરા પુખ્ત વયની થઈ, ત્યારે તેણે હિંમત દાખવીને સમગ્ર ઘટનાની જાણ પરિવારને કરી હતી અને ત્યારબાદ પોલીસ ફરિયાદ નોંધાવી હતી.

પોલીસની કાર્યવાહી

કેશોદ પોલીસે સગીરાની ફરિયાદને આધારે પોક્સો એક્ટ (POCSO Act) હેઠળ ગંભીર ગુનો નોંધીને આરોપી અરમાન મકવાણાની ધરપકડ કરી છે. એક રક્ષક જ જ્યારે ભક્ષક બને, ત્યારે સમાજમાં કેવો ડર ફેલાય છે તેનું આ ઉત્તમ ઉદાહરણ છે. હાલ પોલીસ દ્વારા આરોપીના રિમાન્ડ મેળવી વધુ તપાસ હાથ ધરવામાં આવી છે, જેથી આ પ્રકરણમાં અન્ય કોઈ પાસાઓ સામે આવે તો તે જાણી શકાય.

આ પણ વાંચો: Ahmedabad: કલેક્ટર કચેરીમાં શ્વાનોનું રાજ, AC ની હવામાં આરામ ફરમાવતાં જોવા મળ્યા શ્વાન