Bhavnagar: મહુવાની જીવાદોરી સમાન 3 ડેમ ઓવરફ્લો, નીચાણવાળા વિસ્તારોને એલર્ટ કરાયા

3 ડેમ ઓવર ફ્લો થતા લોકોને મળી રાહત

મળતી માહિતી મુજબ, મહુવા વિસ્તારના માલણ ડેમ (Malan Dam), રોચકી ડેમ (Rochki Dam) અને બગડ ડેમ (Bagad Dam) છલકાઈ ગયા છે. ખાસ કરીને માલણ ડેમમાં 298 ક્યુસેક (298 Cusecs) જેટલી પાણીની આવક સતત ચાલુ રહી છે, જેના કારણે ડેમની સપાટી ભરાઈ જતાં ઓવરફ્લો થવાની સ્થિતિ સર્જાઈ છે. ડેમ ઓવરફ્લો થવાને કારણે મહુવાની પ્રખ્યાત માલણ નદી (Malan River) બે કાંઠે વહેતી થઈ ગઈ છે અને નદીમાં નવા નીરની આવક થતાં નદીનું સૌંદર્ય ખીલી ઉઠ્યું છે.

માલણ નદીકાંઠાના રહેતા લોકોને કરાયા સચેત

ઉપરવાસમાં (Upvas) પડી રહેલા ભારે વરસાદના કારણે જળસપાટીમાં અચાનક વધારો થતાં સ્થાનિક વહીવટી તંત્ર સાબદા થઈ ગયું છે. સંભવિત ખતરાને ધ્યાનમાં રાખીને માલણ નદીકાંઠાના અને આસપાસના નીચાણવાળા વિસ્તારોને (Low-lying Areas) તંત્ર દ્વારા હાઈ એલર્ટ પર રાખવામાં આવ્યા છે. નાગરિકોને નદીના પટમાં ન જવા તેમજ સુરક્ષિત અંતર જાળવવા માટે અપીલ કરવામાં આવી છે. સ્થાનિક તંત્ર દ્વારા પરિસ્થિતિ પર સતત નજર રાખવામાં આવી રહી છે જેથી કોઈપણ અનિચ્છનીય બનાવ અટકાવી શકાય. આ સારા વરસાદથી ખેડૂતોમાં પણ ખુશીનો માહોલ જોવા મળી રહ્યો છે.

આ પણ વાંચો: Navsari: ગણદેવામાં કરંટથી 3 શ્રમિકોના મોતનો મામલે, કેન્દ્રીય મંત્રી સી.આર. પાટીલે સહાય રૂપે ચેક અર્પણ કર્યા