Morbi BJP resignation: મોરબી જિલ્લાના રાજકારણમાં ખળભળાટ, ભાજપ મહામંત્રી નિર્મલભાઇ જારીયાનું રાજીનામું લેવાયું

રાજકીય ગલિયારાઓમાં એવી ચર્ચાઓ

સંગઠનાત્મક ફેરફાર પાછળનું સત્તાવાર કારણ ભલે ગમે તે હોય, પરંતુ રાજકીય ગલિયારાઓમાં એવી ચર્ચાઓ જોરશોરથી ચાલી રહી છે કે, આ પગલું ભાજપની 'એક પરિવાર-એક હોદ્દા'ની નીતિને કારણે લેવામાં આવ્યું છે. એવી માહિતી મળી રહી છે કે પક્ષના માળખામાં એક પરિવારના બે સભ્યો હોદ્દા પર ન રહે તેવા નિર્દેશો હાઈકમાન્ડ દ્વારા આપવામાં આવ્યા હતા, જેના પગલે નિર્મલભાઇ જારીયાનું રાજીનામું લેવામાં આવ્યું હોવાનું મનાઈ રહ્યું છે.

અરવિંદભાઈ વાસદડીયાની નિમણૂક

નિર્મલભાઇ જારીયાની વિદાય અને અરવિંદભાઈ વાસદડીયાની નિમણૂકને લઈને મોરબી ભાજપમાં અનેક તર્ક-વિતર્ક કરવામાં આવી રહ્યા છે. ભાજપ દ્વારા સંગઠનને વધુ મજબૂત કરવા અને નવી ઉર્જા આપવા માટે સમયાંતરે આવા ફેરફાર કરવામાં આવતા હોય છે, પરંતુ આ વખતેની આ બદલી એકાએક હોવાથી સૌ કોઈ આશ્ચર્યમાં છે.

Morbi BJP resignation: અરવિંદભાઈ વાસદડીયાને નવા મહામંત્રી

અરવિંદભાઈ વાસદડીયાને નવા મહામંત્રી તરીકેની જવાબદારી મળતા તેમના સમર્થકોમાં ઉત્સાહ જોવા મળી રહ્યો છે. હવે જોવાનું એ રહેશે કે આવનારા દિવસોમાં આ ફેરફાર મોરબી જિલ્લા ભાજપના સંગઠન પર કેટલી અસર કરે છે. પક્ષના આદેશોનું પાલન કરાવવા માટે હાઈકમાન્ડ અત્યંત કડક વલણ અપનાવી રહ્યું હોવાના સંકેતો આ ઘટનાથી સ્પષ્ટ થાય છે. આગામી સમયમાં અન્ય કોઈ હોદ્દાઓ પર પણ આ પ્રકારના ફેરફાર જોવા મળે તો નવાઈ નહીં.

આ પણ વાંચો: West Bengal Politics : સરકાર ગઇ... પદ ગયું... હવે ઓફિસને પણ વાગી ગયું તાળું, જાણો પૂરી વિગત