Navsari: ગૌમાતાની અંતિમ વિધિ, સન્માન સાથે અપાઈ વિદાય, મેયર રહ્યા ઉપસ્થિત

Navsari Cow Last Rites: નવસારી શહેરમાં પશુઓ પ્રત્યેની સંવેદનાનો એક અતિ પ્રેરણાદાયી અને હૃદયસ્પર્શી કિસ્સો સામે આવ્યો છે. સામાન્ય રીતે અગાઉના સમયમાં મૃત પશુઓને કચરાની ગાડીમાં લઈ જવામાં આવતા હતા, જે એક દુઃખદ વાસ્તવિકતા હતી. પરંતુ હવે નવસારીમાં ગૌમાતા પ્રત્યેની કરુણાનું નવું પ્રકરણ શરૂ થયું છે, જેમાં મૃતક ગૌમાતાની સંપૂર્ણ સન્માન અને ગૌરવ સાથે અંતિમ વિધિ (Last Rites) કરવામાં આવી હતી.

Navsari Cow Last Rites: ગૌશાળા ખાતે યોજાયો હતો કાર્યક્રમ

આ કાર્યક્રમ શહેરની ભગવાન મહાવીર કરુણા બનાસ ગૌશાળા (Bhagwan Mahavir Karuna Banas Gaushala) ખાતે યોજાયો હતો. વૈદિક પરંપરા (Vedic Traditions) અનુસાર વિધિવત રીતે પૂજા-અર્ચના કરીને ગૌમાતાને વિદાય આપવામાં આવી હતી. આ પ્રસંગે શહેરના મેયર અશોકભાઈ ધોરાજીયા (Mayor Ashokbhai Dhorajiya) ખાસ ઉપસ્થિત રહ્યા હતા. તેમણે ગૌમાતાને પુષ્પાંજલિ અર્પણ કરી ભાવભીની શ્રદ્ધાંજલિ પાઠવી હતી.

ગૌસેવકો મોટી સંખ્યામાં જોડાયા હતા

આ પવિત્ર પ્રસંગમાં મેયરની સાથે સ્થાનિક નગરસેવકો અને સેવાભાવી ગૌસેવકો પણ મોટી સંખ્યામાં જોડાયા હતા. આ પહેલથી હવે શહેરભરમાં એક સકારાત્મક સંદેશ ગયો છે. વહીવટી તંત્રના આ નિર્ણય બાદ હવેથી મૃતક પશુઓને માત્ર કચરા તરીકે નહીં, પરંતુ એક જીવ તરીકે સન્માન આપીને તેમની અંતિમ વિધિ સંપૂર્ણ ગૌરવભેર કરવામાં આવશે. નવસારીના આ અભિગમની સમગ્ર પંથકમાં પ્રશંસા થઈ રહી છે.

આ પણ વાંચો: GPSC Exam 2026: ગુજરાત જાહેર સેવા આયોગની રવિવારે પરીક્ષા, દિવ્યાંગો માટે વિશેષ સુવિધાઓ અને નિયમોમાં ફેરફાર