Panchmahal: રૂ. 2.79 કરોડના શિક્ષણ કૌભાંડનો પર્દાફાશ, બે આરોપીઓની ધરપકડ

ખાનગી એજન્સીઓ સાથે સાંઠગાંઠ

પ્રાથમિક તપાસમાં બહાર આવ્યું છે કે, આરોપીઓએ ખાનગી એજન્સીઓ (Private Agencies) સાથે સાંઠગાંઠ કરીને ખોટા અને બોગસ બિલ (Bogus Bills) બનાવી સરકારી તિજોરીને કરોડો રૂપિયાનો ચૂનો લગાવ્યો હતો. આ કૌભાંડની ગંભીરતાને ધ્યાનમાં રાખીને પોલીસની અલગ-અલગ ટીમો દ્વારા તપાસ શરૂ કરવામાં આવી હતી. બાતમીના આધારે પોલીસે સાબરકાંઠા (Sabarkantha) અને હિંમતનગર (Himmatnagar) વિસ્તારમાંથી બંને આરોપીઓને દબોચી લીધા હતા.

Panchmahal: બંને આરોપીઓના રિમાન્ડ મંજૂર

બંને આરોપીઓને સ્થાનિક કોર્ટમાં રજૂ કરવામાં આવ્યા હતા, જ્યાં સરકારી વકીલની દલીલોને ધ્યાને રાખીને કોર્ટે બંને આરોપીઓના 3 દિવસના પોલીસ રિમાન્ડ (Police Remand) મંજૂર કર્યા છે. રિમાન્ડ દરમિયાન આરોપીઓની પૂછપરછમાં અનેક ચોંકાવનારી વિગતો બહાર આવવાની શક્યતા છે. આ ઉચાપતમાં માત્ર આ બે વ્યક્તિઓ જ સામેલ છે કે અન્ય કોઈ અધિકારીઓ કે એજન્સીઓના સંચાલકોની પણ સંડોવણી છે, તે દિશામાં પોલીસ ઝીણવટભરી તપાસ કરી રહી છે. સમગ્ર શિક્ષા અભિયાન જેવા મહત્વકાંક્ષી પ્રોજેક્ટમાં થયેલી આ ઉચાપતે શિક્ષણ વિભાગમાં ભારે ચકચાર જગાવી દીધી છે. જિલ્લાના વહીવટી તંત્ર દ્વારા પણ આ સમગ્ર મામલે આંતરિક તપાસના આદેશ આપવામાં આવ્યા હોવાનું જાણવા મળી રહ્યું છે.

આ પણ વાંચો: Bihar News : સીતામઢીમાં વાવાઝોડાનું તાંડવ ! ઝાડ પડતા એક જ પરિવારના 5 સભ્યના મોત