Gandhinagar: SMC ના ગાંધીનગરમાં દરોડા, કોબા પાસેથી વિદેશી દારૂનો 19 લાખથી વધુનો જથ્થો પકડ્યો

SMC Raid Gandhinagar: શું હતી ઘટના?

SMCને મળેલી ચોક્કસ બાતમીના આધારે પોલીસે કોબા વિસ્તારમાં નાકાબંધી અને પેટ્રોલિંગ વધાર્યું હતું. દરમિયાન, શંકાસ્પદ ડાલા (Pickup Van) ની તપાસ કરતા તેમાંથી 19.36 લાખની કિંમતનો વિદેશી દારૂનો જથ્થો મળી આવ્યો હતો. પોલીસે દારૂ, વાહન અને અન્ય સામાન મળીને કુલ 23.76 લાખ રૂપિયાનો મુદ્દામાલ જપ્ત કર્યો છે.

આરોપીઓની ધરપકડ અને તપાસ

આ કેસમાં પોલીસે ઘટનાસ્થળેથી 3 આરોપીઓની ધરપકડ કરી છે અને એક સગીરની અટકાયત (Detention of Minor) કરી છે. હાલમાં આ તમામની સઘન પૂછપરછ કરવામાં આવી રહી છે જેથી દારૂ ક્યાંથી આવ્યો અને કોને પહોંચાડવાનો હતો તે જાણી શકાય. બીજી તરફ, આ કૌભાંડમાં સામેલ ક્રેટા કાર (Creta Car) ના ચાલક સહિત 3 આરોપીઓ પોલીસને જોઈને નાસી છૂટ્યા હતા. પોલીસ તેમની શોધખોળ કરી રહી છે. SMCની આ કડક કાર્યવાહીથી દારૂના ધંધાર્થીઓમાં ફફડાટ વ્યાપી ગયો છે.

આ પણ વાંચો: "આ દીકરી મારી છે..." યુવકના વિચિત્ર દાવા અને ધમકીથી કંટાળી રાજકોટમાં પિતા-પુત્રીનો આપઘાત