Sumul Dairy Election: સુમુલ ડેરીની ચૂંટણી પહેલા જ ભાજપને મોટી સફળતા, 16 પૈકી 5 બેઠક બિનહરીફ
સુમુલ ડેરીની ચૂંટણી પહેલા જ રાજકીય સમીકરણો બદલાયા છે. ભાજપે 16માંથી 5 બેઠકો કબજે કરી લીધી છે, જ્યારે અન્ય બેઠકો પર હજુ ચૂંટણીનું મેદાન જામશે. સૌથી રસપ્રદ બાબત એ છે કે વાલોડ બેઠક પર પક્ષના પોતાના જ બે દિગ્ગજો સામસામે આવી જતા પાર્ટીએ કડક વલણ અપનાવ્યું છે.
Advertisement
Sumul Dairy Election: સુમુલ ડેરી (Sumul Dairy) ની આગામી ચૂંટણી પહેલા જ રાજકીય ગરમાવો જોવા મળી રહ્યો છે. આ ચૂંટણી પ્રક્રિયામાં ભારતીય જનતા પાર્ટી (BJP) એ પોતાની પકડ મજબૂત બનાવતા મોટી સફળતા મેળવી છે. ડેરીની કુલ 16 બેઠકોમાંથી ૫ બેઠકો પર ભાજપના ઉમેદવારો બિનહરીફ (Unopposed) જાહેર થતા રાજકીય વર્તુળોમાં આશ્ચર્ય અને ઉત્સાહ જોવા મળી રહ્યો છે.