Surat Police Rescue: સુરત પોલીસ બની દેવદૂત, શાળામાં બાળકો અને ઘરોમાંથી લોકોનું કર્યું રેસ્ક્યું

આદર્શ નિવાસી શાળામાં 49 લોકોનું રેસ્ક્યુ

સરથાણા વિસ્તારમાં આવેલી આદર્શ નિવાસી શાળામાં ભારે વરસાદને કારણે પાણી ભરાઈ ગયા હતા. શાળામાં 37 વિદ્યાર્થીઓ અને 12 સ્ટાફ સભ્યો ફસાઈ ગયા હતા. પાણીનું સ્તર સતત વધતું હોવાથી પરિસ્થિતિ ગંભીર બની હતી. જોકે, સરથાણા પોલીસે તાત્કાલિક પહોંચીને તમામ 49 લોકોને સુરક્ષિત બહાર કાઢ્યા હતા. આ ઘટનામાં તંત્રની પૂર્વ-તૈયારીના અભાવ સામે વાલીઓમાં ભારે રોષ પણ જોવા મળ્યો છે.

Surat Police Rescue:  ખટોદરા પોલીસની ઉમદા માનવીય કામગીરી

બીજી તરફ, ખટોદરા વિસ્તારમાં પણ પોલીસે માનવતાનું ઉત્તમ ઉદાહરણ પૂરું પાડ્યું છે. કમર સુધીના પાણી ભરાયા હોવા છતાં ખટોદરા પોલીસ મથકના PSI અને સ્ટાફે હિંમત હાર્યા વગર ફસાયેલા પરિવારને બહાર કાઢ્યા હતા. સૌથી ખાસ વાત એ હતી કે, એક વૃદ્ધા જે ચાલવામાં અસક્ષમ હતા, તેમને પોલીસે પોતાના હાથમાં ઉંચકીને ટ્રેક્ટર સુધી પહોંચાડ્યા હતા. આ ઉપરાંત, પરિવારના બાળકો અને મહિલાઓને પણ ટ્રેક્ટરમાં બેસાડી સુરક્ષિત સ્થળે ખસેડવામાં આવ્યા હતા. લોકોની સેવા કરનાર પોલીસની આ તસવીરો સોશિયલ મીડિયા પર વાયરલ થઈ રહી છે અને લોકો પોલીસની કામગીરીના ખૂબ વખાણ કરી રહ્યા છે.

આ પણ વાંચો: Surat Rain: સુરતની વરસાદથી ગંભીર સ્થિતિ, અનેક વિસ્તારોમાં ભારાયા પાણી, લોકોને રેસ્ક્યુ કરવાની પડી ફરજ