Surendranagar: SOGએ શંકાસ્પદ સિમેન્ટના જથ્થા સાથે બે દબોચ્યા, 10 લાખથી વધુનો મુદ્દામાલ જપ્ત

શું છે સમગ્ર મામલો?

SOGને મળેલી ચોક્કસ બાતમીના આધારે પોલીસે નાગરાજ હોટલ ખાતે તપાસ કરી હતી. આ તપાસ દરમિયાન ત્યાંથી શંકાસ્પદ હાલતમાં સિમેન્ટના કોથળા મળી આવ્યા હતા. પ્રાથમિક તપાસમાં આ સિમેન્ટનો જથ્થો ગેરકાયદેસર રીતે સંગ્રહિત કરવામાં આવ્યો હોવાનું માલૂમ પડ્યું હતું. પોલીસે સિમેન્ટના જથ્થાની સાથે ટેન્કર અને અન્ય સાધનો મળીને અંદાજે 10 લાખ રૂપિયાથી વધુનો મુદ્દામાલ જપ્ત કર્યો છે.

Surendranagar: તપાસનો ધમધમાટ

આ કેસમાં પોલીસે હોટલ માલિક અને ટેન્કર ચાલક (Tanker Driver) ને દબોચી લીધા છે. પોલીસ હવે એ દિશામાં તપાસ કરી રહી છે કે આ સિમેન્ટ ક્યાંથી લાવવામાં આવ્યો હતો અને તેને કોને વેચવાનો પ્લાન હતો. શું આ સિમેન્ટ ચોરીનો છે કે અન્ય કોઈ કૌભાંડનો હિસ્સો, તે અંગે પોલીસ દ્વારા સઘન પૂછપરછ શરૂ કરવામાં આવી છે. SOGની આ કાર્યવાહીથી સિમેન્ટ માફિયાઓમાં ભારે ફફડાટ વ્યાપી ગયો છે.

આ પણ વાંચો: ICC Rankings માં ભારતનો ડંકો! માત્ર એક વર્ષમાં વિશ્વની નંબર-1 T20 બોલર બની શ્રી ચારણી