Valsad: ધરમપુરના ટાંકી ગામે અરેરાટી, વિદ્યાર્થીનીને લેવા નીકળેલો યુવક નદીમાં ગરકાવ

શું છે સમગ્ર ઘટના?

મળતી માહિતી મુજબ, અજય ઉર્ફે સંદીપ નામનો યુવક વાન ચાલક તરીકે ફરજ બજાવે છે. તે પોતાની વાન લઈને શાળામાં અભ્યાસ કરતી વિદ્યાર્થીનીઓને ઘરે મૂકવા માટે નીકળ્યો હતો. રસ્તામાં ટાંકી ગામ પાસે એક ઓવરટોપિંગ પુલ આવતો હતો, જે હાલમાં ભારે વરસાદને કારણે પાણીમાં ડૂબેલો હતો. અજય આ પુલ પાર કરી રહ્યો હતો ત્યારે અચાનક તેનો પગ લપસી ગયો હતો. નદીના પાણીનો પ્રવાહ એટલો તેજ હતો કે તે કંઈ સમજે તે પહેલા જ પાણીમાં ગરકાવ થઈ ગયો હતો.

Valsad: તંત્રની દોડધામ અને રેસ્ક્યુ ઓપરેશન

ઘટનાની જાણ થતાં જ આસપાસના લોકો એકત્ર થઈ ગયા હતા અને તંત્રને જાણ કરી હતી. ધરમપુર મામલતદાર સહિત ઉચ્ચ અધિકારીઓનો કાફલો તાત્કાલિક ઘટના સ્થળે દોડી આવ્યો હતો. યુવકની શોધખોળ માટે ધરમપુર ફાયર વિભાગ, એનડીઆરએફ (NDRF) અને પોલીસની ટીમે સંયુક્ત રીતે ઓપરેશન હાથ ધર્યું છે. જોકે, નદીમાં પાણીની આવક સતત ચાલુ હોવાથી રેસ્ક્યુ કામગીરીમાં ભારે મુશ્કેલીઓનો સામનો કરવો પડી રહ્યો છે.

આ પણ વાંચો: Aravalli: મોડાસાના ખેતરોમાં જળબંબાકાર, મગફળી-સોયાબીનનો પાક નિષ્ફળ જવાની ભીતિ