Gujarat News Today : ગુજરાતભરમાંથી રાજકીય, સહકારી અને સામાજિક ક્ષેત્રના મોટા સમાચાર સામે આવ્યા છે. રક્ષાબંધન પર્વની ઉજવણીથી લઈને ડુંગળીના વધતા ભાવ અને સહકારી સંઘોની ચૂંટણીઓ ને લઈને રાજકીય ગરમાવો જોવા મળી રહ્યો છે.
ગાંધીનગર
મુખ્યમંત્રી ભૂપેન્દ્રભાઈ પટેલ આજે સવારે રાજભવન ખાતે રક્ષાબંધન પર્વની ઉજવણી કરશે, જ્યાં ભાજપ મહિલા કાર્યકરો અને સ્થાનિક સંસ્થાઓની મહિલાઓ તેમને રાખડી બાંધશે. બીજી તરફ, કેન્દ્રીય ગૃહ અને સહકાર મંત્રી અમિતભાઈ શાહ અમરેલી જિલ્લાના લાઠી તાલુકાના દુધાળા ગામ ખાતે હરિકૃષ્ણ ગ્રુપ અને ધોળકિયા ફાઉન્ડેશન દ્વારા નિર્મિત 'ગુજરાત ગૌરવ સરોવર' નું લોકાર્પણ કરશે.
Advertisement ![Navratri Banner]()
રાજકોટ
રાજકોટ લોધિકા સંઘ ચૂંટણીને લઈને આજે ચિત્ર સ્પષ્ટ થશે કારણ કે સહકારની ચૂંટણીમાં ભાજપના જ બે જૂથ સામસામે આવ્યા છે. આ ઉપરાંત બનાસકાંઠાના સણાદર ખાતે એશિયાની સૌથી મોટી બનાસ ડેરીની વાર્ષિક સાધારણ સભા યોજાનાર છે, જેમાં ચેરમેન શંકર ચૌધરી પશુપાલકો માટે નફા અને વધારાની જાહેરાત કરશે. કાંકરેજ તાલુકા ખરીદ-વેચાણ સંઘની ચૂંટણીને લઈને પણ રાજકારણ ગરમાયું છે.
મહેસાણા
મહેસાણા જિલ્લામાં ડુંગળીના ભાવમાં ધરખમ વધારો નોંધાયો છે. નવી ડુંગળીની આવક મોડી થવાને કારણે હોલસેલ ભાવ રૂ. 50 અને છૂટક બજારમાં ભાવ રૂ. 80 પ્રતિ કિલો સુધી પહોંચી ગયા છે. તહેવારોની મોસમમાં નવસારીમાં ફૂડ એન્ડ ડ્રગ વિભાગ દ્વારા મિઠાઈની દુકાનોમાં ચેકિંગ હાથ ધરવામાં આવ્યું છે, પરંતુ રિપોર્ટ્સ મોડા આવવાને કારણે નાગરિકોમાં ચિંતા જોવા મળી રહી છે.
