Gujarat Police Bharti 2026 : ગુજરાતના લાખો યુવાનોના 'ખાખી' પહેરવાના સ્વપ્ન-Khakhi Swapanને સાકાર કરવા માટે ગુજરાત પોલીસ ભરતી બોર્ડ દ્વારા PSI અને LRD કેડરની ૧૩,૫૯૧ જગ્યાઓ માટે શારીરિક કસોટીનો પારદર્શક પ્રારંભ થઈ ચૂક્યો છે. ભરતી બોર્ડના અધ્યક્ષ નીરજા ગોટરુએ જણાવ્યું હતું કે, આ સમગ્ર પ્રક્રિયા ‘ઝીરો એરર’ ટાર્ગેટ અને ફુલપ્રુફ વ્યવસ્થા સાથે ચલાવવામાં આવી રહી છે.

Gujarat Police Bharti 2026 - ભરતી પ્રક્રિયાનું માળખું અને આયોજન

રાજ્યના ૧૫ નિર્ધારીત શહેરો અને SRP તાલીમ કેન્દ્રો ખાતે અંદાજે ૧૦ લાખથી વધુ ઉમેદવારો આ કસોટીમાં ભાગ લઈ રહ્યા છે.

• પુરુષ ઉમેદવારો: ૧૧ ગ્રાઉન્ડ પર ૧૩ માર્ચ, ૨૦૨૬ સુધી કસોટી ચાલશે.

  Advertisement

• મહિલા અને માજી સૈનિકો: ૪ ગ્રાઉન્ડ પર ૬ માર્ચ, ૨૦૨૬ સુધી કસોટી યોજાશે.

Gujarat Police Bharti 2026 : ટેકનોલોજી: ‘ઝીરો એરર’ માટેની કરોડરજ્જુ

ગેરરીતિ અટકાવવા અને ચોકસાઈ જાળવવા માટે અદ્યતન ટેકનોલોજીનો ઉપયોગ કરવામાં આવ્યો છે:

• RFID ચિપ: દોડની દરેક સેકન્ડની સચોટ નોંધણી માટે ઉમેદવારોના પગમાં Radio Frequency Identification (RFID) ચિપ લગાડવામાં આવે છે.

• બાયોમેટ્રિક વેરિફિકેશન: ફિંગરપ્રિન્ટ અને ફેસ રેકગ્નિશન દ્વારા ઉમેદવારની ઓળખ પ્રસ્થાપિત કરવામાં આવે છે.

• CCTV સર્વેલન્સ: સમગ્ર ગ્રાઉન્ડની હલચલ પર ગાંધીનગર સ્થિત કંટ્રોલરૂમથી રિયલ-ટાઇમ મોનીટરીંગ કરવામાં આવે છે.

• ડિજિટલ માપણી: ઊંચાઈ અને છાતીની માપણી કમ્પ્યુટરાઈઝ્ડ પદ્ધતિથી થાય છે, જેના ફોટોગ્રાફ્સ ઉમેદવારને સ્થળ પર જ બતાવવામાં આવે છે.

 ઉમેદવાર સુવિધા અને અપીલ બોર્ડ

જો કોઈ ઉમેદવારને માપણી કે પ્રક્રિયા અંગે અસંતોષ હોય, તો તેના નિરાકરણ માટે સ્થળ પર જ 'અપીલ બોર્ડ' કાર્યરત છે.

• આ બોર્ડમાં એક SP કક્ષાના અધિકારી અને એક મેડિકલ ઓફિસર સહિત ચાર સભ્યો હોય છે.

• ગ્રાઉન્ડ પર 108 એમ્બ્યુલન્સ, પીવાનું પાણી, ORS અને નિષ્ણાંત તબીબોની ટીમ તૈનાત રહે છે.

આંકડાકીય પ્રગતિ (૨૨ થી ૨૯ જાન્યુઆરી સુધી)

ભરતી પ્રક્રિયાના પ્રથમ તબક્કાના ડેટા મુજબ ઉમેદવારોનો ઉત્સાહ નીચે મુજબ રહ્યો છે:

કડક સુરક્ષા અને સુપરવિઝન

સમગ્ર ભરતી પ્રક્રિયાની સુરક્ષા માટે દરેક ગ્રાઉન્ડના ઇન્ચાર્જ તરીકે DIGP અથવા SP કક્ષાના અધિકારીઓ નિયુક્ત છે. તેમની મદદ માટે ૯૦થી વધુ પોલીસ સ્ટાફ અને ઉચ્ચ સ્તરીય નિરીક્ષણ માટે IGP કક્ષાના અધિકારીઓને વિશેષ જવાબદારી સોંપવામાં આવી છે.

આ માત્ર ૧૩,૫૯૧ જગ્યાઓ ભરવાની પ્રક્રિયા નથી, પરંતુ લાખો પરિવારોની આશાઓ અને યુવાનોના ‘ખાખી’ પહેરવાના ખ્વાબ(Khakhi Swapan)ને ન્યાય આપવાની મથામણ છે. જ્યારે મેદાન પર દોડતા ઉમેદવારના પગમાં રહેલી RFID ચિપ તેની મહેનતની એક-એક સેકન્ડનો હિસાબ રાખે છે, ત્યારે સાબિત થાય છે કે હવે સફળતા કોઈની ભલામણની મહોતાજ નથી.

ટેકનોલોજી અને શિસ્તના આ સમન્વયથી ગુજરાત પોલીસમાં જે નવું લોહી ઉમેરાશે, તે રાજ્યની સુરક્ષા વ્યવસ્થાને વધુ મજબૂત અને આધુનિક બનાવવામાં પાયાનો પથ્થર સાબિત થશે."

આ પણ વાંચો : Ahmedabad: બાળ તસ્કરી કેસમાં રેસ્ક્યુ કરાયેલ નવજાત બાળકીની સંભાળ રાખશે 'શી ટીમ'