Gujarat Rain : છેલ્લા 24 કલાકમાં રાજ્યના 225 તાલુકામાં મેઘરાજાની જમાવટ ! સૌથી વધુ વાપીમાં 8 ઈંચ વરસાદ ખાબક્યો

Gujarat Rain : 24 કલાકમાં 225 તાલુકામાં વરસાદ

વરસાદના આંકડા પર નજર કરીએ તો સૌથી વધુ વરસાદ વલસાડ જિલ્લાના વાપીમાં નોંધાયો છે, જ્યાં માત્ર એક જ દિવસમાં સવા 8 ઇંચ જેટલો ભારે વરસાદ ખાબક્યો છે. આ સાથે જ સુરતના કામરેજ તાલુકામાં પણ સાડા 7 ઇંચ જેટલો મુસળધાર વરસાદ વરસી જતાં હાઈવે અને આસપાસના વિસ્તારોમાં પાણી ભરાઈ ગયા છે.

વાપીમાં સૌથી વધુ સવા 8 ઇંચ વરસાદ વરસ્યો

આ ઉપરાંત, દક્ષિણ ગુજરાત અને સૌરાષ્ટ્રના વિસ્તારોમાં પણ મેઘરાજા મન મૂકીને વરસ્યા છે. વલસાડના પારડી અને ઉમરગામ તેમજ ભાવનગરના ઘોઘામાં 6 ઇંચથી વધુ વરસાદ નોંધાયો છે. ડિઝાસ્ટર મેનેજમેન્ટના અહેવાલો અનુસાર, રાજ્યના 5 તાલુકાઓમાં 5 ઇંચથી વધુ અને 12 તાલુકાઓમાં 4 ઇંચથી વધુ વરસાદ થતાં કેટલીક જગ્યાએ પૂર જેવી સ્થિતિ જોવા મળી રહી છે. જ્યારે બાકીના અન્ય તાલુકાઓમાં અડધા ઇંચથી લઈને સાડા ત્રણ ઇંચ સુધીનો હળવોથી મધ્યમ વરસાદ નોંધાયો છે. હવામાન વિભાગ દ્વારા આગામી દિવસોમાં પણ રાજ્યના વિવિધ ભાગોમાં ભારે વરસાદની આગાહી જાહેર કરવામાં આવી છે.

આ પણ વાંચો : Gujarat News Today: આજે 07 જૂલાઈ 2026 ના દિવસે શું થશે ગુજરાતમાં?