Gujarat Monsoon 2026: ગુજરાતમાં મેઘમહેર, 24 કલાકમાં 196 તાલુકા તરબતર, ડેમોમાં પાણીની સપાટીમાં વધારો
ગુજરાતમાં મેઘરાજાની સાર્વત્રિક અને તોફાની બેટિંગને કારણે જનજીવન વેગવંતુ બન્યું છે. છેલ્લા 24 કલાકમાં 196 તાલુકાઓમાં નોંધાયેલા વરસાદને પગલે રાજ્યના જળાશયોમાં પાણીની આવક વધી છે, જેમાં સરદાર સરોવર ડેમ 64 ટકાની સપાટીએ પહોંચ્યો છે. તંત્ર દ્વારા સલામતી માટે NDRF અને SDRFની ટુકડીઓ તૈનાત કરાઈ છે.
Advertisement
Gujarat Monsoon 2026: ગુજરાત રાજ્યમાં હાલ ચોમાસું પોતાની પૂરી તાકાત સાથે જામ્યું છે. છેલ્લા 24 કલાકમાં રાજ્યના 31 જિલ્લાના 196 તાલુકાઓમાં વરસાદ નોંધાયો છે, જેમાં સરેરાશ 18.13 મિમી વરસાદ વરસ્યો છે. રાજ્યમાં અત્યાર સુધીમાં મોસમનો કુલ 15.26 ટકા જેટલો વરસાદ વરસી ચૂક્યો છે. દક્ષિણ ગુજરાતથી લઈને સૌરાષ્ટ્ર સુધીના વિસ્તારોમાં મેઘરાજાએ ધમાકેદાર બેટિંગ કરી છે.