Commonwealth Games: પેરા કોમનવેલ્થમાં ગુજરાતના એકમાત્ર ખેલાડીની પસંદગી, ભાવનગરનો રાકેશ ભટ્ટ કરશે દેશનું પ્રતિનિધિત્વ

100 મીટર દોડમાં રાકેશ લગાવશે ભારતની જીતની દોડ

રાકેશ ભટ્ટ પેરા કોમનવેલ્થ ગેમ્સમાં 100 મીટરની દોડમાં ભાગ લેશે. આ ગૌરવપૂર્ણ ક્ષણ માટે રાકેશ છેલ્લા ત્રણ મહિનાથી સખત પરિશ્રમ અને તૈયારી કરી રહ્યો છે. તેની આ મહેનત અને સમર્પણ જ છે કે આજે તે આંતરરાષ્ટ્રીય સ્તરે ગુજરાતનું નામ રોશન કરવા જઈ રહ્યો છે.

Para Commonwealth Games: મેડલનો અફાટ ભંડાર

રાકેશ ભટ્ટની સિદ્ધિઓની વાત કરીએ તો, તે અત્યાર સુધીમાં 9 જેટલી મોટી ટુર્નામેન્ટમાં ભાગ લઈ ચૂક્યો છે. તેણે રાષ્ટ્રીય સ્તરે પોતાના દમ પર 15 ગોલ્ડ અને 18 સિલ્વર મેડલ પ્રાપ્ત કર્યા છે. એટલું જ નહીં, આંતરરાષ્ટ્રીય સ્તરે પણ તેણે ભારતનો તિરંગો લહેરાવતા 3 ગોલ્ડ અને 2 સિલ્વર મેડલ પોતાના નામે કર્યા છે. એક નાના ગામમાંથી નીકળીને આંતરરાષ્ટ્રીય મંચ સુધી પહોંચેલા રાકેશ ભટ્ટનો આ સંઘર્ષ અને સિદ્ધિઓ અન્ય દિવ્યાંગ ખેલાડીઓ માટે પણ પ્રેરણારૂપ બની રહી છે. સમગ્ર ગુજરાત તેને ગ્લાસગોમાં ઉજ્જવળ સફળતા મળે તેવી શુભેચ્છાઓ પાઠવી રહ્યું છે.

આ પણ વાંચો: Ahmedabad News: અમદાવાદ એરપોર્ટ પર ડ્રગ્સનો મોટો જથ્થો ઝડપાયો, ફૂડ પેકેટમાં છુપાવી લાવ્યા હતા કરોડોનું ડ્રગ્સ!