Surat Crime: લગ્નની લાલચ આપી યુવતી પર દુષ્કર્મ ગુજારનાર શખ્સ બે મહિના બાદ ઝડપાયો

• સુરતમાં દુષ્કર્મ કેસમાં બે માસથી ફરાર આરોપીની ધરપકડ
• પાલ પોલીસે આરોપી રિશી જયસ્વાલને મુંબઈથી ઝડપી પાડ્યો
• યુવતીને લગ્નની લાલચ આપી દુષ્કર્મ આચરી ફરાર થયો હતો
• ભોગ બનનાર યુવતીએ પાલ પોલીસ મથકમાં ફરિયાદ નોંધાવી
• બે માસથી પોલીસ ચોપડે ફરાર આરોપી મુંબઈ ખાતે છુપાયો હતો

લગ્નની લાલચ આપી દુષ્કર્મ ગુજાર્યું

મળતી જાણકારી અનુસાર પાલ પોલીસ સ્ટેશન વિસ્તારની યુવતીને રિશી જયસ્વાલ નામના શખ્સે લગ્નની લાલચ આપી હતી. જે બાદ યુવતી સાથે શારીરિક સંબંધો બનાવ્યા હતા. જે બાદ રિશી જયસ્વાલે યુવતીને તરછોડી દીધી હતી.  જેથી પિડિતાએ બે મહિના અગાઉ પાલ પોલીસ સ્ટેશનમાં ફરિયાદ નોંધાવી હતી.

આરોપી મુંબઈમાંથી પકડાયો

ફરિયાદના આધારે પોલીસે બળાત્કાર સહિતની વિવિધ કલમો હેઠળ ગુનો દાખલ કર્યો હતો. જોકે આરોપી રિશી જયસ્વાલ યુવતી સાથે છેતરપીંડી કરી ફરાર થઈ ગયો હતો. રિશી જયસ્વાલ છેલ્લા બે મહિનાથી ફરાર હતો. જેને ઝડપી પાડવા પોલીસે તપાસના ચક્ર ગતિમાન કર્યા હતા. અંતે પોલીસને બાતમી મળી હતી કે આરોપી મુંબઈમાં છે. જે બાતમી આધારે પોલીસે મુંબઈમાં તપાસ હાથ ધરી આરોપીને ઝડપી પાડી આગળની વધુ કાર્યવાહી હાથ ધરી છે.

આ પણ વાંચોઃ Gir Somnath : શિકારની શોધમાં જંગલના રાજાના હવે શહેરી વિસ્તારમાં ધામા