Rain : સૌરાષ્ટ્ર અને કચ્છમાં મેઘતાંડવ ! 690 ગામડાઓમાં અંધારપટ, PGVCLને કરોડોનું નુકસાન

Rain : વરસાદથી વીજ માળખાને ભારે નુકસાન

મળતી માહિતી મુજબ, સમગ્ર પંથકમાં કુલ 53 જેટલા ફીડરો (Feeders) બંધ થઈ ગયા છે. આ ઉપરાંત, તોફાની પવનને કારણે 335 જેટલા વીજપોલ (Electric Poles) ધરાશાયી થયા છે, જેના કારણે રિપેરિંગ કામગીરીમાં અવરોધ આવી રહ્યો છે.

જિલ્લાવાર પરિસ્થિતિ (District-wise Situation)

ઉત્તર ગુજરાત, સૌરાષ્ટ્ર સહિતના અનેક વિસ્તારોમાં કમોસમી વરસાદ ખાબક્યો છે. ત્યારે જામનગર અને દ્વારકા આ બંને જિલ્લામાં સૌથી વધુ અસર જોવા મળી છે. અહીંના 302 ગામડાઓમાં વીજળી ગુલ થઈ ગઈ છે અને 98 વીજપોલ જમીનદોસ્ત થયા છે.

આ ઉપરાંત રાજકોટ જિલ્લાના 112 ગામડાઓમાં વીજ પુરવઠો ઠપ્પ થયો છે. અંદાજે 50 થી વધુ વીજપોલ પડી જવાથી તંત્રને ભારે હાલાકી પડી રહી છે. તેમજ સ્થાનિક લોકોને પણ ભારે હાલાકીનો સામનો કરવો પડ્યો છે. બીજી તરફ મોરબીના 132 ગામડાઓ અને ભુજ-કચ્છી વિસ્તારના 163 ગામડાઓમાં વીજ પુરવઠો પ્રભાવિત (Power Outage) થયો છે. તો સુરેન્દ્રનગરમાં પણ 8 ગામડાઓમાં વીજળી ન હોવાના અહેવાલ સામે આવી રહ્યાં છે.

Kutch : કુદરતી આફતથી જગતના તાતને મોટું આર્થિક નુકસાન થયું | Gujarat First

કચ્છમાં ગતરાત્રીએ ભારે પવન સાથે મીની વાવાઝોડું ફૂંકાયું
તેજ પવનના કારણે ખેતીના ઉભા પાકને ભારે નુકસાન
વરિયાળી અને એરંડા સહિતના પાક ખેતરમાં આડા પડ્યા
વાવાઝોડાના કારણે અનેક વિસ્તારોમાં વીજ પોલ ધરાશાયી
કુદરતી… pic.twitter.com/mP716lNN9P

— Gujarat First (@GujaratFirst) March 19, 2026

યુદ્ધના ધોરણે કામગીરી હાથ ધરી

ભારે વરસાદ અને પ્રતિકૂળ પરિસ્થિતિ વચ્ચે પણ PGVCLની ટીમો (PGVCL Teams) મેદાનમાં ઉતરી છે. ગ્રામીણ વિસ્તારોમાં વીજ પુરવઠો વહેલી તકે કાર્યરત કરવા માટે ટેકનિકલ સ્ટાફ ખડેપગે કામ કરી રહ્યો છે. અધિકારીઓના જણાવ્યા મુજબ, પાણી ઓસરતાની સાથે જ યુદ્ધના ધોરણે તમામ ફીડરો ફરી શરૂ કરવામાં આવશે.

આ પણ વાંચોઃ Gujarat Unseasonal Rain: કમોસમી વરસાદનું સંકટ, અંબાલાલ પટેલની મોટી આગાહી