Jamnagar: ભ્રષ્ટાચાર સામે ACBનો સપાટો, PGVCLના બે કર્મચારીઓ લાંચ લેતા પકડાયા

Jamnagar: શું હતો સમગ્ર મામલો?

જામનગરમાં અરજદારે નવા ટ્રાન્સફોર્મર અને વીજ મીટર લગાવવા માટે અરજી કરી હતી. આ કામગીરી પૂર્ણ કરવાના બદલામાં PGVCLના નાયબ ઈજનેર રૂષી પરમાર અને લાઈનમેન મનોજ પ્રજાપતિએ અરજદાર પાસે 1 લાખ રૂપિયાની લાંચની માંગણી કરી હતી. લાંબા સમયથી અરજી પર કોઈ સકારાત્મક કાર્યવાહી ન થતાં અરજદાર પરેશાન હતા અને અંતે તેમણે આ અંગે ACBનો સંપર્ક કર્યો હતો.

ACB નું સફળ છટકું

અરજદારની ફરિયાદને પગલે ACB દ્વારા લાંચનું છટકું ગોઠવવામાં આવ્યું હતું. આ દરમિયાન લાંચની રકમ 1 લાખમાંથી ઘટાડીને 80 હજાર રૂપિયા નક્કી કરવામાં આવી હતી. આજે જ્યારે બંને આરોપીઓ લાંચની આ રકમ લેવા માટે તૈયાર થયા, ત્યારે ACBની ટીમે રંગેહાથ બંને કર્મચારીઓને પકડી પાડ્યા હતા.

બે લોકોની ધરપકડ

આ કાર્યવાહીમાં નાયબ ઈજનેર રૂષી પરમાર અને લાઈનમેન મનોજ પ્રજાપતિની ધરપકડ કરવામાં આવી છે. લાંચની રકમ સાથે આ બંનેને ઝડપી પાડી ACB દ્વારા આગળની કાયદેસરની કાર્યવાહી હાથ ધરવામાં આવી છે. આ સફળ ટ્રેપ બાદ જામનગરની PGVCL કચેરીમાં ખળભળાટ મચી ગયો છે અને ભ્રષ્ટ અધિકારીઓમાં ફફડાટ જોવા મળી રહ્યો છે.

આ પણ વાંચો: Surendranagar: હનીટ્રેપ ગેંગનો પર્દાફાશ, એપનો ઉપયોગ કરી યુવકોને ફસાવનાર 7 ઝડપાયા