Jamnagar માં ચૂંટણી ટાણે જંગ, વોર્ડ નં. 15 અને લખતર ગામે કાર્યકરો વચ્ચે ઝપાઝપી
- Jamnagar માં બે જગ્યાએ ઝપાઝપીના દ્રશ્યો સામે આવ્યા!
- વોર્ડ નં 15 અને લખતર ગામે બે પક્ષના કાર્યકરો વચ્ચે બબાલ
- ભાજપાના ઉમેદવારનું ઓળખકાર્ડ લઈ આંટાફેરા કરતા શખ્સની અટકાયત
- શખ્સ કોંગ્રેસના કાર્યકરોના હાથે ચડી જતા મતદાન મથકે ભારે હોબાળો
- લખતર ગામે પણ ભાજપ-કોંગ્રેસના કાર્યકરો વચ્ચે ઉગ્ર બોલાચાલી અને ઘર્ષણ
- ચૂંટણીમાં ખલેલ પહોંચતા પોલીસના ઉચ્ચ અધિકારીઓ ઘટનાસ્થળે દોડી આવ્યા
ગુજરાત લોકશાહીના પર્વની ઉજવણી કરી રહ્યું છે ત્યારે જામનગર (Jamnagar) માંથી અશાંતિના સમાચાર સામે આવ્યા છે. જામનગરના બે અલગ-અલગ વિસ્તારોમાં મતદાન પ્રક્રિયા (Voting Process) દરમિયાન ભાજપ અને કોંગ્રેસના કાર્યકરો વચ્ચે ઉગ્ર બોલાચાલી અને ઝપાઝપીના દ્રશ્યો સર્જાયા હતા. આ ઘટનાને પગલે સ્થાનિક પોલીસ (Local Police) અને ચૂંટણી તંત્ર દોડતું થયું હતું.
વોર્ડ નં. 15 માં આઈડી કાર્ડ મુદ્દે બબાલ
સૌથી વધુ તણાવ જામનગરના વોર્ડ નં. 15 માં જોવા મળ્યો હતો. અહીં એક શખ્સ ભાજપના ઉમેદવારનું ઓળખકાર્ડ (Identity Card) લઈને મતદાન મથકની આસપાસ આંટાફેરા કરી રહ્યો હોવાનું સામે આવ્યું હતું. કોંગ્રેસના કાર્યકરોની નજરે આ શખ્સ ચડી જતા વાતાવરણ તંગ બન્યું હતું. કોંગ્રેસના આક્ષેપ મુજબ, આ શખ્સ અનધિકૃત રીતે મતદાન મથકમાં પ્રવેશવાનો પ્રયાસ કરી રહ્યો હતો. બંને પક્ષના કાર્યકરો સામસામે આવી જતા વાત ઝપાઝપી સુધી પહોંચી ગઈ હતી.
Jamnagar ના લખતર ગામે પણ ઘર્ષણ
બીજી તરફ, જામનગરના લખતર ગામે પણ આવી જ પરિસ્થિતિ જોવા મળી હતી. અહીં પણ નજીવી બાબતે ભાજપ અને કોંગ્રેસના કાર્યકરો વચ્ચે ઘર્ષણ (Political Friction) થયું હતું. ગ્રામીણ વિસ્તારમાં થયેલા આ હોબાળાને કારણે મતદાન કરવા આવેલા લોકોમાં થોડો સમય ફફડાટ ફેલાયો હતો. જોકે, સુરક્ષા જવાનોએ તાત્કાલિક દરમિયાનગીરી કરીને મામલો થાળે પાડ્યો હતો. હાલમાં બંને પક્ષો એકબીજા પર આક્ષેપ-પ્રતિઆક્ષેપ કરી રહ્યા છે, જેના કારણે જામનગરનું રાજકીય તાપમાન વધી ગયું છે.
આ પણ વાંચો: મતદારો માટે Harshbhai Sanghavi નો ખાસ સંદેશ: 'એક પણ મત ન છૂટે': મતદાન માટે જનતાને હાકલ