Kheda: કેમિકલયુક્ત વેસ્ટના નિકાલનો પર્દાફાશ,પોલીસે ટ્રક સહિત 9 લાખથી વધુનો મુદ્દામાલ જપ્ત કર્યો

નદી કિનારે બનાવાયો હતો વિશાળ ખાડો

પોલીસ તપાસમાં સામે આવ્યું છે કે, આરોપીઓએ વલ્લા ગામ પાસે મોહર નદીના કિનારે જમીનમાં એક વિશાળ ખાડો ખોદ્યો હતો. આ ખાડો આશરે 50 ફૂટ લાંબો અને 30 ફૂટ પહોળો હતો, જેમાં કેમિકલયુક્ત વેસ્ટ દાટી દેવામાં આવતું હતું. પર્યાવરણ માટે આ આત્મઘાતી સમાન આ પ્રવૃત્તિને પગલે તંત્ર પણ ચોંકી ઉઠ્યું છે. પોલીસે દરોડા દરમિયાન એક ટ્રક અને અન્ય સાધનો સહિત કુલ 9,97,600 રૂપિયાનો મુદ્દામાલ જપ્ત કર્યો છે.

Kheda Chemical Waste: મુંબઈથી આવતું હતું ઝેરી કેમિકલ

પૂછપરછ દરમિયાન આરોપીઓએ કબૂલાત કરી હતી કે આ કેમિકલયુક્ત વેસ્ટ મુંબઈના તલોજા (Taloja) વિસ્તારમાંથી લાવવામાં આવતું હતું. આરોપી ફિરોજખાન પઠાણના પોલ્ટ્રી ફાર્મમાં પણ પોલીસે તપાસ હાથ ધરી હતી, જ્યાંથી કેમિકલ યુક્ત વેસ્ટ ભરેલા 60 જેટલા મોટા પીપડા મળી આવ્યા હતા. આ કેમિકલનો ઉપયોગ ક્યાં અને કેવી રીતે કરવામાં આવતો હતો, તેમજ આ કૌભાંડમાં અન્ય કયા મોટા માથાઓ સામેલ છે, તે દિશામાં પોલીસે સઘન તપાસ શરૂ કરી છે.

આ પણ વાંચો: સરકારી નાણાંનો ધુમાડો: Ahmedabad RTO ની નવી બિલ્ડીંગ તૈયાર હોવા છતાં ધૂળ ખાય છે, ભાડા પેટે ચૂકવ્યા 34 લાખ