Kutch: બુટલેગરોનો આતંક, દારૂની બાતમી આપનાર યુવકની કરી હત્યા

શું છે સમગ્ર મામલો?

થોડા દિવસો અગાઉ કચ્છના દૂધઈ (Dudhai) પોલીસ સ્ટેશન વિસ્તારમાં પોલીસે બાતમીના આધારે દરોડા પાડીને આશરે 79 લાખ રૂપિયાનો વિદેશી દારૂનો જંગી જથ્થો પકડી પાડ્યો હતો. આ દરોડામાં જે યુવકે પોલીસને ગુપ્ત માહિતી આપી હતી, તે બુટલેગરોના રડાર પર આવી ગયો હતો. બુટલેગરોને જ્યારે બાતમીદાર વિશે જાણ થઈ ત્યારે તેમણે બદલો લેવાની યોજના બનાવી.

યુવકનું અપહરણ કરી રાજસ્થાન લઈ ગયા હતા

બુટલેગરોએ તે યુવકનું અપહરણ કરીને તેને સીમા પાર રાજસ્થાન (Rajasthan) લઈ ગયા હતા. ત્યાં એકાંતમાં લઈ જઈને બુટલેગરોએ યુવકને લાકડીઓ અને પાઇપ વડે ઢોર માર માર્યો હતો. અત્યંત ગંભીર ઈજાઓને કારણે યુવકનું કરુણ મોત નીપજ્યું હતું. આરોપીઓએ આ બનાવને છુપાવવાના તમામ શક્ય પ્રયાસો કર્યા હતા, પરંતુ તેમ છતાં સત્ય બહાર આવી ગયું હતું.

Kutch:  પુના ભરવાડ સહિત 6 સામે ગુનો

આ હત્યાના મામલે ગુજરાતના કુખ્યાત બુટલેગર પુના ભરવાડ (Puna Bharwad) સહિત કુલ 6 શખ્સો વિરુદ્ધ હત્યાનો ગંભીર ગુનો દાખલ કરવામાં આવ્યો છે. આડેસર પોલીસ દ્વારા આ સમગ્ર પ્રકરણની વધુ તપાસ હાથ ધરવામાં આવી છે. બુટલેગરોની આ હિંમત જોઈને સ્થાનિકોમાં પણ ભય અને રોષનો માહોલ છે. પોલીસ હવે આરોપીઓને પકડવા અને ઘટનાના તમામ પાસાઓ તપાસવા માટે કવાયત તેજ કરી છે.

આ પણ વાંચો:Mahua Moitra Egg Attack : મમતાના સાંસદ મહુઆ મોઇત્રા પર ઈંડા અને રીંગણ ફેંકાયા, ભાજપ પર લગાવ્યો ગંભીર આરોપ