Kutch Drug Bust: ભીમાસર પાસેથી મેફેડ્રોન સાથે બે ઝડપાયા, 'નો ડ્રગ્સ ઈન કચ્છ' અભિયાનને સફળતા

શું હતી સમગ્ર ઘટના?

પોલીસને મળેલી ચોક્કસ માહિતી મુજબ, કીડિયાનગરથી એક કાર શંકાસ્પદ રીતે આવી રહી હતી. પોલીસે ભીમાસર નજીક વોચ ગોઠવી આ કારને અટકાવી હતી. કારની તલાશી લેતા તેમાંથી માદક પદાર્થ મળી આવ્યો હતો, જેની તપાસ કરતા તે મેફેડ્રોન ડ્રગ્સ હોવાનું ફલિત થયું હતું. આ દરોડા દરમિયાન પોલીસે ડ્રગ્સના જથ્થા સાથે બે શખ્સોને રંગે હાથે ઝડપી લીધા છે.

Kutch Drug Bust: પોલીસે કાર્યવાહી હાથ ધરી

આડેસર પોલીસે આ કાર્યવાહીમાં રૂપિયા 50 હજારની કિંમતનું મેફેડ્રોન ડ્રગ્સ જપ્ત કર્યું છે. આ ઉપરાંત ડ્રગ્સની હેરફેર માટે વપરાતી કાર અને મોબાઈલ ફોન સહિત કુલ રૂપિયા 3.61 લાખનો મુદ્દામાલ પોલીસ દ્વારા કબજે કરવામાં આવ્યો છે. પકડાયેલા બંને આરોપીઓની પોલીસ દ્વારા સઘન પૂછપરછ કરવામાં આવી રહી છે, જેથી આ ડ્રગ્સ ક્યાંથી લાવવામાં આવ્યું હતું અને કોને પહોંચાડવાનું હતું તેની કડીઓ મેળવી શકાય.

અન્ય એક આરોપી ફરાર

આ પ્રકરણમાં અન્ય એક વ્યક્તિની સંડોવણી પણ બહાર આવી છે, જે હાલ ફરાર છે. પોલીસે તેને ઝડપી પાડવા માટે શોધખોળ હાથ ધરી છે. આ ગંભીર ગુનાની તપાસ હવે લાકડિયા પોલીસને સોંપવામાં આવી છે. ડ્રગ્સ માફિયાઓ સામે કચ્છ પોલીસની આ કાર્યવાહીથી ગુનેગારોમાં ફફડાટ ફેલાયો છે.

આ પણ વાંચો: Surendranagar: જાહેરમાં હિંસક મારામારી, પોલીસની હાજરીમાં પથ્થરમારો, કાયદો અને વ્યવસ્થા પર સવાલો