Kutch: રાપર અને બાલાસર સરહદી વિસ્તારમાં તંત્રનો સપાટો, સરકારી જમીન પરથી ગેરકાયદે દબાણો દૂર

સરકારી જમીન પર ગેરકાયદે કબજો હતો

પ્રાપ્ત વિગતો અનુસાર, રાપરના ચિત્રોડ ગામે સોહિલ રમજુ રાઉમા નામના શખ્સ દ્વારા સરકારી જમીન પર ગેરકાયદે ચિકનની દુકાન ઊભી કરી દેવાઈ હોવાની વહીવટી તંત્રને સત્તાવાર રજૂઆત મળી હતી. આ રજૂઆતના પગલે મામલતદાર સ્ટાફ તાત્કાલિક હરકતમાં આવ્યો હતો અને દબાણ હટાવી લાખોની જમીન મુક્ત કરાવી હતી. આ ઉપરાંત, બાલાસર પોલીસ સ્ટેશન વિસ્તારના દેશલપર અને રાસાજી ગઢડા સીમમાં પણ મોટું ઓપરેશન હાથ ધરાયું હતું. અહીં દેશલપર ખાતે સણોસરા પીરની દરગાહનું અંદાજે ૨૦૦ ચોરસ મીટર અને સાકરિયા પીરની દરગાહ પરનું આશરે 600 ચોરસ મીટર ગેરકાયદેસર બાંધકામ હટાવી દેવાયું હતું.

Kutch: પોલીસના ચુસ્ત બંદોબસ્ત વચ્ચે કાર્યવાહી

આ ઓપરેશન દરમિયાન અલી હાસમ કુંભાર દ્વારા સરકારી જમીન પર ઊભા કરાયેલા ઇંટના ભઠ્ઠા, રૂમ અને પાણીની ટાંકી સહિત આશરે 8,000 ચોરસ મીટરનો વિશાળ વિસ્તાર ખાલી કરાવાયો હતો. આ સાથે જ રાસાજી ગઢડા સીમ વિસ્તારમાં હઝરત પીર અલી બાવાની દરગાહ સંબંધિત આશરે 2,000 ચોરસ મીટરનું દબાણ પણ દૂર કરવામાં આવ્યું હતું. પોલીસના ચુસ્ત બંદોબસ્ત વચ્ચે યોજાયેલી આ મહા-ઝુંબેશમાં કુલ હજારો ચોરસ મીટર રાષ્ટ્રીય અને સરકારી જમીન સંપૂર્ણપણે દબાણમુક્ત કરવામાં આવી છે. તંત્રની આ કડક કાર્યવાહીથી ભૂમાફિયાઓ અને ગેરકાયદેસર પ્રવૃત્તિ કરનારાઓમાં ભારે ફફડાટ વ્યાપી ગયો છે.

આ પણ વાંચો; Mehsana: પૂર્વ ધારાસભ્ય બળદેવજી ઠાકોરના નિવૃત્તિના સંકેત! યુવાનોને આગળ આવવા આહ્વાન