કચ્છ: કમુવારાવાંઢમાં ભારે પવન સાથે વરસાદ, ઘરોને મોટું નુકસાન

છેલ્લા એક અઠવાડિયાથી કચ્છ જિલ્લામાં કમોસમી વરસાદ વરસી રહ્યો છે ત્યારે રાપર તાલુકાના કાનમેરથી ૬ કિલોમીટરના અંતરે આવેલા કમુવારાવાંઢમાં સાંજે ભારે પવન સાથે આવેલા વરસાદના કારણે બાર જેટલા મકાનોના પતરા અને નળિયા ઉડી ગયા હતા પરિણામે ભારે નુકસાની થવા પામી હતી ,ઘરનો સરસામાન પણ વરસાદના કારણે પલળી ગયો હતો

ગામના આગેવાન રામજીભાઈ ભાટ્ટીના જણાવ્યા પ્રમાણે ભારે સાંજે પવન સાથે આવેલા વરસાદના કારણે નુકસાની થવા પામી છે આ બાબતની જાણ રાપર તાલુકા પંચાયતના તાલુકા વિકાસ અધિકારીને કરવામાં આવી છે ,તેમજ અસરગ્રસ્ત પરિવારને સરકાર દ્વારા તાત્કાલિક સહાય આપવામાં આવે તેવી માંગ પણ કરવામાં આવી છે

ઉલ્લેખનીય એ છે કે જે ઘરોના નુકસાની થવા પામી  છે તેમાં બે ઘરોમાં લગ્ન પ્રસંગ ચાલી રહ્યા છે, અને આ દરમિયાન ઘટના બનવા પામી છે પરિણામે આ પરિવારો મુશ્કેલીમાં મુકાયા છે,જવું તો ક્યાં જવું તેવો તાલ ઉભો થવા પામ્યો છે

આપણ  વાંચો - સુરેન્દ્રનગરમાં પડી એવી વીજળી, એક યુવક અને 80 બકરાના થયા મોત