Mahi River Barrage Project: મહી નદી પર મેગા પ્રોજેક્ટ, 1700 કરોડના ખર્ચે બનશે નવો બેરેજ-કમ-બ્રિજ

ત્રણ જિલ્લા માટે ગેમ-ચેન્જર સાબિત થશે પ્રોજેક્ટ

આ બેરેજ-કમ-બ્રિજ પ્રોજેક્ટથી આણંદ (Anand), વડોદરા (Vadodara) અને ભરૂચ (Bharuch) જિલ્લાના 150થી વધુ ગામડાઓને સીધો ફાયદો થશે. હાલમાં મહી નદીના પટમાં સમુદ્રની ખારાશ (Sea Water Ingress) આગળ વધવાની સમસ્યા સર્જાઈ રહી છે, જેના કારણે જમીનની ફળદ્રુપતા અને પીવાના પાણી પર અસર પડી રહી છે. આ બેરેજ બનવાથી નદીનું મીઠું પાણી સંગ્રહી શકાશે અને ખારાશને રોકવામાં મોટી સફળતા મળશે.

Mahi River Barrage Project: પ્રોજેક્ટની મુખ્ય વિશેષતાઓ

રાજ્ય સરકારની સૈદ્ધાંતિક મંજૂરી મળ્યા બાદ હવે આ પ્રોજેક્ટના અમલીકરણની પ્રક્રિયા ઝડપી બનશે. આ બેરેજ પર અંદાજે 70 જેટલા દરવાજા (Gates) લગાવવામાં આવશે, જે પાણીના પ્રવાહને નિયંત્રિત કરવામાં મદદ કરશે. બેરેજની ઉપર જ બ્રિજનું નિર્માણ થવાથી આણંદ અને ભરૂચ જિલ્લા વચ્ચેનું અંતર પણ નોંધપાત્ર રીતે ઘટશે, જે આર્થિક ગતિવિધિઓ માટે વેગવંતું બનશે.

વાહનવ્યવહારની સુવિધા માટે પણ આશીર્વાદરૂપ

આ પ્રોજેક્ટ માત્ર સિંચાઈ માટે જ નહીં, પરંતુ વાહનવ્યવહારની સુવિધા માટે પણ આશીર્વાદરૂપ સાબિત થશે. સરકારનું લક્ષ્ય આ પ્રોજેક્ટ દ્વારા ખેતીલાયક જમીનને ખારાશથી બચાવવાનું અને સ્થાનિકોને સિંચાઈ માટે પૂરતું પાણી પૂરું પાડવાનું છે. આવનારા સમયમાં આ પ્રોજેક્ટ પ્રદેશની કાયાપલટ કરી શકે તેવી ક્ષમતા ધરાવે છે, જેનાથી સ્થાનિક રોજગારી અને કૃષિ ક્ષેત્રે નવી આશાઓ જાગી છે.

આ પણ વાંચો: Ahmedabad News: સાબરમતી નદીમાં 18 વર્ષિય યુવકે લગાવી છલાંગ, શોધખોળ ચાલુ