Narmada: સાંસદ મનસુખ વસાવાનો વધુ એક લેટર બૉમ્બ, ટ્રાયબલ યુનિ. કમિટીમાં નિમણૂંક અંગે સવાલ ઉઠાવ્યા

શું છે મનસુખ વસાવાનો આક્ષેપ?

સાંસદ મનસુખ વસાવાએ પત્રમાં સ્પષ્ટ આક્ષેપ કર્યો છે કે ટ્રાયબલ યુનિવર્સિટીની કમિટીમાં નિમણૂક કરતી વખતે સ્થાનિક વરિષ્ઠ આગેવાનોને વિશ્વાસમાં લેવામાં આવ્યા નથી. તેમણે જણાવ્યું હતું કે, "યુનિવર્સિટીના મહત્વપૂર્ણ હોદ્દાઓ પર જેમની નિમણૂક કરવામાં આવી છે, તેમને શિક્ષણ ક્ષેત્ર સાથે કોઈ લેવાદેવા નથી." આ પ્રક્રિયામાં ડેડીયાપાડા, સાગબારા અને ચીકદા જેવા આદિવાસી બહુલ વિસ્તારોને સંપૂર્ણપણે નજરઅંદાજ કરવામાં આવ્યા હોવાનો તેમણે દાવો કર્યો છે.

Narmada: મનસુખ વસાવાએ પોતાની નારાજગી વ્યક્ત કરી

આ ઉપરાંત, ભરૂચ જિલ્લામાંથી પણ કોઈ પણ પ્રતિનિધિને સ્થાન ન મળતા મનસુખ વસાવાએ પોતાની નારાજગી વ્યક્ત કરી છે. સાંસદ અને ધારાસભ્યોને બાજુ પર રાખીને લેવાયેલા આ નિર્ણયો સામે તેમણે સીધો સવાલ ઉઠાવ્યો છે કે આખરે કયા આધારે આ નિમણૂકો કરવામાં આવી છે? મનસુખ વસાવાની આ રજૂઆત બાદ હવે શિક્ષણ વિભાગ અને પાર્ટીના ઉચ્ચ નેતૃત્વમાં શું પ્રતિક્રિયા આવે છે, તે જોવું રહ્યું.

આ પણ વાંચો: Morbi: હળવદ તાલુકા ભાજપ બક્ષીપંચ મોરચા મહામંત્રીનું રાજીનામાથી રાજકારણ ગરમાયુ