Patan: "પવિત્ર જગ્યા પર અમાનવિય કૃત્ય ચલાવી લેવાય નહી', પૂર્વ સરપંચ પર હુમલા મામલે MLA લવિંગજી ઠાકોર આકરા પાણીએ

પવિત્ર જગ્યાએ અમાનવીય કૃત્ય અસહ્ય

ધારાસભ્ય લવિંગજી ઠાકોરે પત્રકારો સાથેની વાતચીતમાં જણાવ્યું હતું કે, જાગીર મઠ જેવી પવિત્ર અને આસ્થાનું કેન્દ્ર ગણાતી જગ્યાના નામે આ પ્રકારનું અમાનવીય અને ગેરકાયદેસર કાર્ય કોઈપણ સંજોગોમાં ચલાવી લેવામાં આવશે નહીં.

પીડિત પૂર્વ સરપંચની રૂબરૂ મુલાકાત લીધી

ઘટના બાદ ધારાસભ્ય લવિંગજી ઠાકોરે હોસ્પિટલ પહોંચીને પીડિત પૂર્વ સરપંચ અજમલભાઈની રૂબરૂ મુલાકાત લીધી હતી. પીડિતની હાલત જોઈને ધારાસભ્યએ ભારે રોષ વ્યક્ત કર્યો હતો. તેમણે પીડિત પાસેથી સમગ્ર ઘટનાની વિગતો જાણી હતી અને તેમને સંપૂર્ણ ન્યાય અપાવવાની ખાતરી આપી હતી. લવિંગજી ઠાકોરે જણાવ્યું હતું કે, પીડિતે પોતાનું દર્દ વ્યક્ત કર્યું છે અને સમાજમાં આવી હિંસક ઘટનાઓ ન બને તે માટે સખત પગલાં લેવા અત્યંત આવશ્યક છે.

દોષિતો સામે કડક કાર્યવાહીની માગ

આ મામલે સ્થાનિક વહીવટી તંત્ર અને પોલીસ વિભાગને સૂચના આપતા ધારાસભ્યએ સ્પષ્ટ શબ્દોમાં કહ્યું છે કે, આ ગુનામાં સંડોવાયેલા તમામ આરોપીઓને વહેલી તકે પકડી પાડીને તેમની સામે કડકમાં કડક કાયદાકીય કાર્યવાહી કરવામાં આવે. ધારાસભ્યએ માગ કરી છે કે, આ ઘટના પાછળ જે કોઈ પણ વ્યક્તિઓ કે સંગઠનોનો હાથ હોય, તેમને કાયદાના દાયરામાં લાવી સખત સજા કરવામાં આવે, જેથી ભવિષ્યમાં કોઈ પણ વ્યક્તિ આવી હિંમત કરતા પહેલા સો વાર વિચાર કરે.

આ પણ વાંચોઃKheda: ભાવનગરમાં ગેરકાયદે હથિયારો સપ્લાઈ તે પહેલા પર્દાફાશ, સેવાલીયા પોલીસે 3 શખ્સને પોલીસે દબોચ્યા

આ પણ વાંચોઃ Kutch: જાણીતા કલાકાર લય અંતાણીનું અકસ્માતમાં કરુણ અવસાન, ટ્રક અને કાર વચ્ચે થયો ભયંકર અકસ્માત