NEET MDS 2026 કાઉન્સેલિંગ શિડ્યુઅલ જાહેર: 18 ઓગસ્ટથી રજિસ્ટ્રેશન શરૂ, જાણો તમામ તારીખો

પ્રથમ રાઉન્ડ 18 ઓગસ્ટથી શરૂ થશે

સત્તાવાર શિડ્યુઅલ મુજબ, કાઉન્સેલિંગના પ્રથમ રાઉન્ડ માટેનું રજિસ્ટ્રેશન 18 ઓગસ્ટ 2026થી શરૂ થશે અને ઉમેદવારો 23 ઓગસ્ટ સુધી ઓનલાઇન અરજી કરી શકશે. જ્યારે 19 થી 23 ઓગસ્ટ દરમિયાન કોલેજ અને કોર્સની ચોઇસ ફિલિંગ (Choice Filling) અને ચોઇસ લોકિંગની પ્રક્રિયા હાથ ધરાશે. પ્રથમ રાઉન્ડનું સીટ અલોટમેન્ટ પરિણામ 26 ઓગસ્ટના રોજ જાહેર કરવામાં આવશે.

કાઉન્સેલિંગના વિવિધ રાઉન્ડનું સમયપત્રક

રાઉન્ડ 1 : રજિસ્ટ્રેશન 18 થી 23 ઓગસ્ટ, ચોઇસ ફિલિંગ 19 થી 23 ઓગસ્ટ અને સીટ અલોટમેન્ટ રિઝલ્ટ 26 ઓગસ્ટ.

રાઉન્ડ 2 : રજિસ્ટ્રેશન 3 થી 8 સપ્ટેમ્બર અને સીટ અલોટમેન્ટ 11 સપ્ટેમ્બર.

રાઉન્ડ 3 : રજિસ્ટ્રેશન 22 થી 27 સપ્ટેમ્બર અને સીટ અલોટમેન્ટ 30 સપ્ટેમ્બર.

સ્ટ્રે વેકેન્સી રાઉન્ડ : ખાલી બેઠકો માટે રજિસ્ટ્રેશન 12 થી 14 ઓક્ટોબર અને સીટ અલોટમેન્ટ 16 ઓક્ટોબર.

આ જરૂરી દસ્તાવેજો તૈયાર રાખવા સલાહ

કાઉન્સેલિંગ પ્રક્રિયા દરમિયાન ઉમેદવારો પાસે NEET MDS 2026 સ્કોરકાર્ડ, એડમિટ કાર્ડ, BDS ડિગ્રી સર્ટિફિકેટ, ઇન્ટર્નશિપ પૂર્ણતા પ્રમાણપત્ર, ડેન્ટલ કાઉન્સિલ રજિસ્ટ્રેશન સર્ટિફિકેટ અને અન્ય શૈક્ષણિક પ્રમાણપત્રો હોવા અનિવાર્ય છે. MCC દ્વારા ઉમેદવારોને સલાહ આપવામાં આવી છે કે તેઓ ચોઇસ ભરતી વખતે પોતાની પ્રાથમિકતાઓ ધ્યાનપૂર્વક ચકાસી લે અને તાજા અપડેટ્સ માટે સત્તાવાર વેબસાઇટ નિયમિતપણે જોતા રહે.