ભાજપના પૂર્વ જિલ્લા સદસ્ય રામુજી ઠાકોરનો ઓડિયો વાઇરલ, કહ્યું - આ પાર્ટીમાં આવીને પછતાયો છું

ગુજરાત વિધાનસભા ચૂંટણીના પ્રથમ તબક્કાનું આજે મતદાન થોડી ક્ષણો બાદ શરૂ થવાનું છે. રાજ્યના 19 જિલ્લાની 89 બેઠકો પર આજે મતદાન શરૂ થઇ ગયું છે. સવારે 8 થી સાંજના 5 વાગ્યા સુધી મતદાન થવાનું છે. ત્યારે તમામ પાર્ટી એવી આશા રાખી રહી છે કે, તેમના ઉમેદવારને જનતાનો પ્રેમ મળે અને તેમની પાર્ટીને વધુને વધુ બેઠકોમાં જીત મળે. આ વચ્ચે ભાજપના પૂર્વ જિલ્લા સદસ્ય રામુજી ઠાકોરનો એક વિવાદાસ્પદ ઓડિયો વાયરલ થયો છે. જેમા તેઓ ભાજપ પક્ષની જ ટીકા કરતા સંભળાઇ રહ્યા છે. 

આજે રાજ્યમાં જ્યા ચૂંટણીનો માહોલ જોવા મળી રહ્યો છે. આ વચ્ચે રામુજી ઠાકોરનો એક ઓડિયો વાયરલ થયો છે જેમા તેઓ કહેતા સંભળાઇ રહ્યા છે કે, ભાજપમાં કેટલાય વર્ષે એક ઠાકોરને ટીકીટ આપવામાં આવી છે. હું એમ માનીને ભાજપમાં આવ્યો હતો કે ભાજપમાં સંગંઠન વિરોધમાં કામ નથી કરંતુ પરંતુ અહીં પણ સ્થિતિ કોંગ્રેસ જેવી જ છે. ભાજપ આજે સંગઠન વિરોધમાં કામ કરે છે. મારે હવે ભાજપમાં રહેવાનું નથી. મારા માટે કોંગ્રેસ જ મહત્વની હતી. હું કાલે સવારે કોંગ્રેસમાં જોડાઈ જવાનો છું. આખુ ભાજપનું સંગઠન શાંત બેસી ગયું છે અને હું ભાજપમાં આવીને પછતાયો છે. 

ઉલ્લેખનીય છે કે, આજે સવારથી વિધાનસભાની પ્રથમ તબક્કાની ચૂંટણીનો પ્રારંભ થયો છે. રાજ્યમાં મતદારો વિવિધ ભાગોમાં બનેલા 25393 મતદાન મથકો પર મતદાન કરી શકશે. પ્રથમ તબક્કાની ચૂંટણીમાં 788 ઉમેદવારોની પ્રતિષ્ઠા દાવ પર છે. આ વખતે ચૂંટણીમાં ભાજપ અને કોંગ્રેસ સિવાય આમ આદમી પાર્ટી મેદાનમાં છે. ઘણા અપક્ષ ઉમેદવારો પણ પોતાનું નસીબ અજમાવી રહ્યા છે.