Patan: રાશનકાર્ડમાં મોટો છબરડો, ઝાપટપરાનું નામ બદલાઈને ઈસ્માઈલપરા થતાં વિવાદ

તંત્ર દ્વારા તપાસના આદેશ

આ મામલે વહીવટી તંત્ર તાત્કાલિક એક્શન મોડમાં આવ્યું છે. હારીજના નાયબ મામલતદારને આ સમગ્ર મામલે તપાસ કરી કડક કાર્યવાહી કરવાની સૂચના આપવામાં આવી છે. પાટણના અધિક નિવાસી કલેકટર ડૉ. મેહુલ બરાસરાએ (Dr. Mehul Barasara) જણાવ્યું હતું કે, "સ્થાનિક વિસ્તારના નામમાં થયેલા આ ફેરફારને ગંભીરતાથી લેવામાં આવ્યો છે. આ માટે હારીજ મામલતદાર અને પ્રાંત અધિકારીને તપાસ કરી તાત્કાલિક અહેવાલ રજૂ કરવા સૂચના આપવામાં આવી છે."

નામ બદલાઈ જતાં અનેક સવાલો

તંત્ર દ્વારા સ્પષ્ટતા કરવામાં આવી છે કે, મામલતદાર દ્વારા જેવો તપાસ અહેવાલ સોંપવામાં આવશે, ત્યારબાદ જવાબદારો સામે કાયદેસરની કાર્યવાહી કરવામાં આવશે. સરકારી દસ્તાવેજોમાં થયેલી આ ભૂલને કારણે સ્થાનિકોને અન્ય સરકારી યોજનાઓનો લાભ લેવામાં મુશ્કેલી પડી શકે છે, તેથી તંત્ર આ ક્ષતિને વહેલી તકે સુધારવા માટે કટિબદ્ધ છે. આ ઘટનાએ વહીવટી તંત્રની કામગીરી અને ડેટા એન્ટ્રીમાં રહેલી ખામીઓ સામે અનેક સવાલો ઉભા કર્યા છે.

આ પણ વાંચોઃ Patan: ચાણસ્મા-ગોઝારિયા હાઈવે પર NHAI ની ઘોર બેદરકારી, પાણી નિકાલની વ્યવસ્થા માત્ર કાગળ પર