Patan Ashant Dhara: લોટેશ્વર વિસ્તારમાં અશાંતધારો લાગુ કરવા માગ, રહીશોની કલેક્ટર કચેરીમાં રજૂઆત

Patan Ashant Dhara: પાટણ શહેરના વોર્ડ નં. 8, 9 અને 10 ના લોટેશ્વર વિસ્તારના રહીશો દ્વારા તાજેતરમાં જિલ્લા કલેક્ટર કચેરી ખાતે એક મહત્વપૂર્ણ આવેદનપત્ર આપવામાં આવ્યું છે. સ્થાનિક રહીશોની મુખ્ય માગણી આ વિસ્તારમાં 'અશાંતધારો' (Disturbed Areas Act) લાગુ કરવાની છે, જેથી કરીને વિસ્તારની સામાજિક અને સાંસ્કૃતિક સંરચના જળવાઈ રહે.

Patan: લોટેશ્વર વિસ્તારમાં મોટાભાગે હિન્દુ 

રહીશો દ્વારા કરવામાં આવેલી રજૂઆત મુજબ, લોટેશ્વર વિસ્તારમાં મોટાભાગે હિન્દુ સમુદાયના લોકો વસવાટ કરે છે. આ વિસ્તારમાં અનેક પ્રાચીન મંદિરો અને ધાર્મિક સ્થાનો આવેલા છે, જેની પવિત્રતા અને શાંતિ જાળવી રાખવી જરૂરી છે. રહીશોનું માનવું છે કે અશાંતધારો લાગુ થવાથી મિલકતોના વેચાણ પર નિયંત્રણ આવશે અને વિસ્તારની શાંતિ જળવાઈ રહેશે.

મિલકતો અન્ય સમુદાયના લોકોને વેચવામાં ન આવે

આવેદનપત્રમાં સ્થાનિકોએ સ્પષ્ટ માગણી કરી છે કે, મિલકતો અન્ય સમુદાયના લોકોને વેચવામાં ન આવે અને વિસ્તારની ડેમોગ્રાફિક પ્રોફાઇલ યથાવત રહે તે માટે વહીવટી તંત્ર દ્વારા વહેલી તકે જરૂરી કાર્યવાહી કરવામાં આવે. કલેક્ટર કચેરી ખાતે મોટી સંખ્યામાં એકત્ર થયેલા રહીશોએ તેમની માગણીઓ પ્રત્યે સરકાર ગંભીરતા દાખવે તેવી અપીલ કરી હતી.

આ પણ વાંચો: Banas Dairy Milk Price Hike: બનાસ ડેરીનો મોટો નિર્ણય, દૂધના ખરીદ ભાવમાં પ્રતિ કિલો ફેટે રૂ. 15નો વધારો