Ahmedabad: પતંગ હોટલના માલિકને સુરત જેલમાં ધકેલાયો, પ્લોટ આપવાની લાલચ આપી 1.56 કરોડ પડાવ્યા હતા

છેતપિંડીના કેસમાં કરાઈ કાર્યવાહી

પ્રાપ્ત વિગતો અનુસાર, ઉમંગ ઠક્કરે પોતાના દીકરા સાથે મળીને  સામાન્ય લોકો સાથે મોટું આર્થિક કૌભાંડ આચર્યું હતું. આરોપીઓએ લોકોને ઓછા ભાવે કે આકર્ષક સ્કીમમાં પ્લોટ (Plots) આપવાની લાલચ આપી હતી અને વિશ્વાસ ફેલાવીને અલગ-અલગ નાગરિકો પાસેથી કુલ 1.56 કરોડ રૂપિયા પડાવી લીધા હતા (Plot Scam Fraud). લાંબા સમયથી ચાલી રહેલી આ છેતરપિંડીનો ભાંડો ફૂટતા પોલીસ ફરિયાદ નોંધાઈ હતી, જેના આધારે કાયદેસરની કાર્યવાહી હાથ ધરવામાં આવી હતી.

Ahmedabad: બંને આરોપી પુત્રો હાલ પોલીસ પકડથી દૂર

પોલીસ તપાસ દરમિયાન આ મોટા આર્થિક કૌભાંડમાં ઉમંગ ઠક્કરની સાથે તેના બંને પુત્રો પણ સક્રિયપણે સામેલ હોવાનું બહાર આવ્યું છે. જો કે, કાયદાની પકડથી બચવા માટે આ બંને આરોપી પુત્રો હાલ પોલીસ પકડથી દૂર છે. પોલીસ દ્વારા હાથ ધરેલી પ્રાથમિક તપાસમાં એવી પ્રબળ આશંકા વ્યક્ત કરવામાં આવી રહી છે કે કૌભાંડ બહાર આવતા જ બંને આરોપી પુત્રો દેશ છોડીને વિદેશ (Foreign Country) ભાગી ગયા છે. પોલીસ દ્વારા ફરાર આરોપી પુત્રોને ઝડપી પાડવા માટે વિશેષ ચક્રો ગતિમાન કરવામાં આવ્યા છે અને આંતરરાષ્ટ્રીય સ્તરે પણ તપાસના ચક્રો ફેરવવાની તજવીજ હાથ ધરાઈ છે. આ કેસના આગામી દિવસોમાં વધુ મોટા ખુલાસા થવાની સંભાવના વ્યક્ત કરવામાં આવી રહી છે.

આ પણ વાંચો: jamnagar: દરેડ ગામે હત્યા કેસમાં મોટો ખુલાસો, 'ઓસ્ટ્રેલિયા ગયો' કહી પત્નીએ છુપાવી રાખ્યું રહસ્ય