Porbandar: માધવપુર ઘેડમાં મેઘરાજાનું રૌદ્ર સ્વરૂપ, બે દિવસમાં 13 ઇંચ વરસાદથી જળબંબાકાર

મધવંતી નદીમાં પૂરના દ્રશ્યો

ઉપરવાસમાં પડી રહેલા ભારે વરસાદને પગલે માધવપુરની જીવાદોરી સમાન મધવંતી નદી બે કાંઠે વહેતી થઈ છે. નદીમાં નવા નીર આવતા સ્થાનિકોમાં એક તરફ આનંદની લાગણી છે, તો બીજી તરફ જળસ્તર વધતા પૂરનો ભય પણ ફેલાયો છે. નદીના વધતા જળસ્તરને કારણે તંત્ર દ્વારા નીચાણવાળા વિસ્તારોમાં રહેતા લોકોને સાવચેત રહેવા સૂચના આપવામાં આવી છે.

Porbandar: દુકાનો અને મકાનોમાં ઘૂસ્યા પાણી

ભારે વરસાદને કારણે માધવપુરના નીચાણવાળા વિસ્તારોમાં પાણી ભરાઈ ગયા છે. સ્થાનિક દુકાનો, રહેણાંક મકાનો અને કેટલીક હોટલોમાં પાણી ઘૂસી જતાં વેપારીઓ અને રહીશોને ભારે નુકસાનનો સામનો કરવો પડ્યો છે. ઘરવખરી અને અન્ય સામાન પલળી જવાથી લોકોની હાલત કફોડી થઈ છે. આ ઉપરાંત, પ્રખ્યાત માધવપુર મેળાનું ગ્રાઉન્ડ પણ પાણીથી તરબોળ થઈ ગયું છે, જે હવે તળાવ જેવું લાગી રહ્યું છે. સ્થાનિક પ્રશાસન દ્વારા પરિસ્થિતિ પર ચાંપતી નજર રાખવામાં આવી રહી છે અને અસરગ્રસ્તોને મદદ પહોંચાડવાના પ્રયાસો હાથ ધરાયા છે.

આ પણ વાંચો: Mumbai Ahmedabad Bullet Train : ભારતમાં ક્યારે દોડશે પહેલી બુલેટ ટ્રેન? રેલ મંત્રી અશ્વિની વૈષ્ણવે કરી મોટી જાહેરાત